![Vergi islahatı �axsayır�](https://turan.az/resized/./turan-750-500-resize.webp)
Vergi islahatı �axsayır�
Bakı/09.01.18/Turan: Hökumət təşkilatlarının vergi sektorundakı islahatları tam həcmdə həyata keçirə bilməyəcəyi və nəticədə Azərbaycanın vergi sisteminin hərəkətsiz vəziyyətə düşəcəyi ilə bağlı müstəqil iqtisadçıların proqnozları təsdiqləndi.
Vergilər Nazirliyi Vergiödəyicilərinə Yardım Mərkəzindən Turan-a bildiriblər ki, bu ilin əvvəlinə qədər 4% və ya 2% mənfəət vergisi ödəyən (Bakıda 4%, ölkənin digər yaşayış məntəqələrində 2%) vətəndaşlar üçün verginin faiz dərəcəsi indiyədək məlum deyil. Əvvəllər sadələşdirilmiş vergi ödəyiciləri adlanan və fərdi əmək müqaviləsi üzrə işləyən vətəndaşların bir hissəsi 2019-cu il yanvarın 1-dən sadələşdirilmiş vergi ödəmək hüququnu itirirlər. Vergilər Nazirliyinin hesabına hər ay nə qədər köçürmələri olduqlarını isə orada bilmirlər. Nazirlik Nazirlər Kabinetinin bununla bağlı xüsusi sərəncamını gözləyir.
Əlavə edək ki, Vergiödəyicilərinə Yardım Mərkəzindən Turan-a bildiriblər ki, bu il icbari sosial sığortanın həcmi hələlik dəyişməyib, çünki ölkədə minimum əməkhaqqı əvvəlki kimi qalıb, sığorta məbləği isə minimum əməkhaqqının 20%-i həcmində hesablanır.
Biznesmenlər öz suallarına cavab tapa bilmirlər, çünki vergi islahatları biznesin bir çox sahəsini əhatə edir. Müraciətlərin sayı çox olduğundan Vergilər Nazirliyinin məlumat telefon nömrəsinə (195) zəng etmək çətinləşib. Vergiödəyicilərinə Yardım Mərkəzində vətəndaşlara saat növbəsi verilir.
Yanvarın 8-də Vergilər Nazirliyinin saytı bir neçə dəfə işini dayandırıb. Xidmətin əməkdaşları online bilgi ala bilməyən jurnalist Ülkər Abdullayevaya bunu çoxsaylı müraciətlər səbəbindən saytda dayanmaların olması ilə izah ediblər. Ona brauzerin yaddaşını təmizləməyi və gün ərzində bir neçə dəfə resursa qoşulmağa cəhd göstərməyi təklif ediblər. Əgər bu tədbir nəticə verməsə, Ü.Abdullayeva nazirliyə məktub göndərərək problemi açıqlamalıdır. "Əgər Vergilər Nazirliyinin saytı işləsəydi, mən ora məktubu bu sayt vasitəsilə yazmazdım. Əgər işləmirsə, dayanmış resusr vasitəsilə məktubu necə göndərə bilərəm? Niyə mən öz işimi buraxıb nazirliyin saytının təkmilləşdirilməsilə məşğul olmalıyam?", - Ü.Abdullayeva təəccüblənib. Bəzi məlumatlara görə, rerusrun işləməsinin dayanması ötən rüb üçün məcburi hesabatın 20 günlük müddətinin ayrı-ayrı günlərində də baş verib.
Sosial sığorta üzrə hesabat göndərməyə çalışan Turan-ın əməkdaşı saytın texniki səhvi ucbatından prosesi dayandırmalı olub. Bu barədə əməkdaşa Vergilər Nazirliyinin nümayəndəsi məlumat verib. Bir sutkadan sonra Vergilər Nazirliyinin nümayəndəsi texniki problemin həll olunması ilə bağlı vergiödəyicisini bilgiləndirib və məsləhət görüb ki, əgər sayt yenə işləməsə nazirliyə məktub göndərərək problemi göstərsin. Lakin sayta daxil olan jurnalist yenə də nasazlıqla qarşılaşıb. Nəhayət, hesabatları Vergiödəyicilərinə Yardım Mərkəzinə təqdim etmək mümkün olub.
Vergilər Nazirliyi üçün başqa bir problem icbari sosial sığorta ödəmələri üzrə vətəndaşların hesabatlarının qəbulu, həmin hesabatların və ödəmələrin yoxlanması funksiyasının ona həvalə edilməsidir. Nazirlilk yeni öhdəliklərin yerinə yetirilməsilə məşğul ola bilmir.
Vergilər Nazirliyinin işinin pozulmasını proqnozlaşdıran iqtisadçı Natiq Cəfərli hesab edir ki, bu ilin yayına qədər nazirlik əvvəlki vergi qaydalarına qayıdacaq, çünki qəbul edilmiş islahatlar paketini yerinə yetirməyə qadir deyil.--0--
-
- Maliyyə
- 9 Yanvar 2019 12:44
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz