"1926-cı ildə memar Nikolay Qriqoryeviç Bayevin layihəsi üzrə tikilmiş Sabunçu vağzalının yanından keçirdim. Yenə diqqətlə onun fasadına baxmağa başladım... Əlbəttə, kaş ki, baxmasaydım", deyə memar Elçin Əliyev öz FB səhifəsində yazıb.
O, Bakıda köhnə binaların dağılmasından sonra qalan memarlıq heykəllərini yığıb saxlaması ilə məşhurdur. Bu günlərdə o, yığdığı kolleksiyanı Bakı şəhər İcra Hakimiyyətinə Bakı Memarlıq Muzeyinin yaradılması üçün təklif edib və açıq səma altında eksponatların bir günlük sərgisini keçirib.
Elçin Əliyevin Bakı Dəmir Yolu Vağzalının köhnə binasının fasadında gördüyü təkcə onun divarlarına yapışmış kondisionerlər olmayıb, ki, sivil dövlətdə belə bir şey olmamalıdır. Ən dəhşətlisi: saat qülləsini bəzəyən daş şir üzləri dağılmışdı. Memar çəkdiyi fotoşəkilləri FB səhifəsində yerləşdirib. Bakılılar reaksiya veriblər:
- Ona görə ki, bələdiyyələrdə bərpadan əvvəlki vəziyyəti kimin müəyyən edəcəyi, ilkin vəziyyətə əsasən bərpanın necə aparılmalı olduğunu kimin müəyyən edəcəyi, işlərin gedişatına kimin nəzarət edəcəyi və bərpanın necə həyata keçiriləcəyini və nəticənin necə alınacağını müəyyən edən orqana əsaslanaraq işlərin nəticəsini kimin qəbul edəcəyi haqqında dəqiq reqlament yoxdur. Görünür, bizdə hər şeyi işi qəbul edən işçilərin briqadiri müəyyən edir, pulu çoxdan sovurublarsa, işi qəbul etmək nəyə lazımdır?
- Heç bir sözüm yoxdur. Bütün bunların neçə illərdir davam etdiyini nəzərə alsaq, hər şeyin qəsdən edildiyi təəssüratı yaranır. Yəni çıxış yolu yoxdur, barbarlıq davam edir? FB müzakirə üçün əla yerdir, amma bizim narazılığımız vəziyyəti dəyişdirməyəcək. Nə edək? Bəlkə ölkəmizin memarlıq irsinin qorunması haqqında müraciət imzalayaq? Bəlkə barbarlığa qarşı mübarizə şöbəsi yaradarlar?! Belə getsə hər şeyi itirəcəyik...
Köhnə Dəmir Yolu Vağzalının binasında barbarlığın səbəbləri haqqında sorğuya Azərbaycan Dəmir Yolları İdarəsinin ictimaiyyətlə əlaqələr şöbəsinin rəhbəri Natavan Bayramova cavab verib. Uzun telefon söhbətində o bildirib ki, İdarə bu binanın xarici görünüşünün qorunub saxlanmasına görə cavabdeh deyil, tarixi görünüş qorunub saxlanılmaqla əsaslı təmir işlərini isə yalnız binanın içində aparıb, burada çox maraqlı Azərbaycan Dəmir Yolu muzeyi yaradıb. O, İdarə rəhbərliyinin idarənin tabeliyində olan bütün binaların memarlıq və tarixi xüsusiyyətlərinin qorunub saxlanılmasının qayğısına qaldığını qeyd edib və bir daha əlavə edib ki, memar Bayevin yaradıcılıq əsərinin xarici görünüşü onlara aid deyil.
Bayramova daş şir üzlərini kimin dağıtdığını bilmir. O, dəfələrlə jurnalistləri dəmiryolu nəqliyyatı muzeyini ziyarət etməyə, Dəmir Yolları İdarəsinin rəhbəri Cavid Qurbanovun abidələrin qorunub saxlanılmasının qeydinə qaldığından əmin olmağa dəvət edib.
"Binanın fasadının fotoşəkillərini əməkdaşlarımıza göndərdim, onlar bu heykəllərin vəziyyətindən xəbərsiz idilər, gördüklərinə təəccübləniblər", deyə Bayramova əlavə edib.
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz