Məşhur Azərbaycan kinodramaturqu Rüstəm İbrahimbəyovun “Günəşin kələfi” adlı yeni kitabı iyulda Britaniya-Hollandiya nəşriyyatı olan Glagoslav tərəfindən ingilis dilində dərc ediləcək.
Turan-a məlum olub ki, kitab Azərbaycanın faciəvi və ziddiyyətli müstəqilliyinin bərpası dövrünə həsr edilib. İbrahimbəyov öz romanında ölkə tarixini həmvətənlərinin gözlərindən göstərir.
Həmçinin Bakı-Saqa adlanan dörd hissəli kitab Azərbaycan sakinlərinin üç nəslini və 1940-1990-cı illəri əhatə edir.
Dörd ayrı-ayrı hissə müxtəlif millətlərdən olan, Bakının eyni məhəlləsində böyüyən dostlar haqqında hadisələri əks etdirir.
Hər bir hissə qarışıq onillər boyunca – Böyük Vətən Müharibəsindən və Stalin təmizləmələrindən, 50-ci illərin ruslaşdırma siyasətindən 90-cı illərin əvvəllərində müstəqillik uğrunda mübarizəyə qədər dostların münasibətlərinə, ehtiraslarına, yalanlarına, rəqabətlərinə və ümidsizliklərinə fərqli mövqedən baxışdır.
Roman Bakı multikultralizminin və insana milliyyətinə görə deyil, keyfiyyətlərinə görə dəyər verildiyi dönəmin himnidir. Lakin zaman dostları elə bir həddə gətirdi ki, qonşular düşmən oldular, geniş görüş dairəsi isə yerini primitiv milliyyətçiliyə verdi.
Kitabı ingilis dilinə Endrü Bromfild tərcümə edib.
Qeyd edək ki, gürcü kinematoqrafçılarının iştirakı ilə bu əsərin ekranlaşdırılmasına hazırlıq gedir. -02D-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz