![Anoloqsuz "inkişaf"-ın orta əsr variantı...](https://turan.az/resized/750/500/resize/media/2017/main/080900003817.jpg)
- Söz istəyirəm
- 9 Avqust 2017, 17:39
- 58
Anoloqsuz "inkişaf"-ın orta əsr variantı...
... Bir neçə il bundan öncə həbsdən yenicə çıxmış yaxın bir tanışım (qeyri- siyasi idi- red.) bildirdi ki, ona və digər dustaqlara işgəncə vermək üçün onları çarmıxa çəkib günlərlə ac- susuz saxlayıb döyürmüşlər. Doğruluğuna inansam da digər dustaqlardan da bu məlumatı dəqiqləşdirib ictimailəşdirdim. Dərhal Penitensiar Xidmət məlumatı təkzib edərək məni adı çəkilən quruma böhtan atdığıma görə məhkəməyə verəcəklərini bildirdilər. Sonradan fikirlərindən vaz keçdilər...
Budur, üstündən bir neçə il keçmiş dürüstülüynə, obyektivliyinə əmin olduğumuz digər siyasi məhbuslar- ilahiyyətçi Taleh Bağırzadə, Abbas Hüseyn, Cabbar Cabbarov və digərləri ailələrinə və vəkillərinə bildiriblər ki, Qobustan Qapalı Həbsxanasında onları çarmıxa çəkərək, əli qandallı şəkildə saatlarla döyüblər. Ac- susuz, qızmar günün altında saxlayıblar. Onlara qarşı insanlığa yaraşmayan hərəkətlərə yol veriblər...
Mən onlara verilən işgəncələr barədə oxuduqca dəhşətə gəldim. Təkcə ona görə yox ki, müdafiəsiz insanlara qarşı qəddarlıq edilmişdi. Təbii ki, yox. Sadəcə əksər hallarda məhbuslara işgəncələr polis bölmələrində verilir və məqsəd etirafedici ifadələrin alınmasına yönəlir. Amma insana haqsız yerə 19- 20 il iş verib ardinca Qobustan Qapalı həbsxanasına göndərib ona manyakcasına əzab vermək, 40- 45 dərəcə istinin altında dirəyə bağlamaq, çarmıxa çəkmək, qolu qandallı vəziyyətə ölümünə döymək təkcə qəddarlıq, vəhşilik deyil. Azərbaycan insanına qarşı açıq düşmənçilikdir, qisasçılıqdır. Nifrətin, kinin, qudurğanlığın kulminasiya nöqtəsidir. Görəsən xalqımızın ləyaqətli oğullarına qarşı bu vandalizmi, düşmənçiliyi həyata keçirənləri hardan tapıb gətirib vəzifə başına qoyublar? Belə insanları vəzifə verib insanlara qənim kəsdirməklə nə demək istəyirlər? Görəsən bu şəxslərin milliyəti nədir?
İnsanı çarmıxa çəkmək orta əsrlərin işgəncə üsullarından olub. Azərbaycan hakimiyyəti öz oppenentlərinə, tənqidçi və müqavimətçi insanlara qarşı artıq orta əsr işgəncə üsullarından istifadə edir. Bəs bunlar deyirdi axı Azərbaycanda anoloqu olmayan inkişaf var? Bəlkə insanlara zülm, əzab verməyin orta əsr variantını yenidən gündəmə gətirməyi bunlar anoloqu olmayan inkişaf hesab edirlər?
Taleh Bağırzadəyə, Abbas Hüseynə və digər dindar siyasi məhbuslara qarşı həyata keçirilən vəhşilik, qisasçı düşmən münasibətinin iştirakçıları məsuliyyətə cəlb olunmalıdır. Onlara nəninki Azərbaycan insanının, heyvanat aləminin, təbiətin- ağacların deyil, heç quru stol- stulun da taleyini etibar etmək olmaz.
Qobustan Qapalı Həbsxanasında dindar siyasi məhbuslara qarşı həyata keçirilən işgəncələrlə bağlı bu gün Beynəlxalq Qırmızı Xaç Komitəsi başda olmaqla insan hüquqlarını müdafiə edən beynəlxalq şəbəkəyə müraciət etdim. Məsələni araşdırıb gərəkən addımlar atacaqlarını bildirdilər. Amma mən fürsətdən istifadə edib bir daha yerli və beynəlxalq təşkilatlara, mətbuat orqanlarına, xaricdə yaşayan soydaşlarımıza müraciət edirəm; Gözümüzün qarşısında insanlara orta əsr işgəncəsi verərək onları fiziki cəhətdən məhv edirlər. İnsanlar və insanlıq ayaqlar altına atılıb. Bu vəhşiliyə, qəddarlığa göz yummayın. Unutmayaq bir şəxsin insanlığına qarşı edilmiş cinayət bütün bəşəriyyətə qarşı edilmiş cinayətdir. Cinayətə göz yummayın!!!
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz