Mirtağı Əsədov
Bakı/12.11.18/Turan: Azərbaycanın hüquq-mühafizə orqanları noyabrın 10-da din xadimi Mirtağı Əsədovun saxlanmasını hələlik şərh etmirlər. Qeyri-rəsmi məlumatlara görə, o, Gürcüstanda fəaliyyət göstərən və şiələrin maraqlarını təmsil edən "Gürcüstan müsəlmanlarının ali idarəsi" dini birliyinin lideridir.
2011-ci ilədək Gürcüstan müsəlmanları ilə işi şeyxülislam Allahşükür Paşazadənin rəhbərliyilə Qafqaz Müsəlmanları İdarəsi (QMİ: mənzil-qərargahı Bakıda olmaqla) həyata keçirib. Gürcüstanda QMİ-nin nümayəndəliyi oub.
2011-c ildən Gürcüstanda dini birliklər haqqında qanunun qəbulundan sonra bir neçə islam təşkilatı qeydiyyata alınıb: Gürcüstan Müsəlmanları İdarəsi, Gürcüstan Müsəlmanları Birliyi, Gürcüstan Müsəlmanları İttifaqı, Gürcüstan Müsəlmanları Ali Dini İdarəsi, QMİ-nin Gürcüstan nümayəndəliyi.
Beləliklə, Gürcüstan hakimiyyəti QMİ-nin Gürcüstan müsəlmanları üzərində birbaşa idarəçiliyini alaraq Azərbaycandan təsiri minimuma endirdi.
2011-ci ilin mayında QMİ Gürcüstanda Müsəlmanlar İdarəsinin yaradılmasını pisləyib. "Gürcüstanda bu təşkilatın yaradılması həmin ölkədə yaşayan müsəlmanların Azərbaycandan qoparılması məqsədi daşıyır", - şeyxülislam Allahşükür Paşazadə deyib.
2016-cı ilin fevralında Gürcüstan Müsəlmanlarının Ali Dini İdarəsinə rəhbərlik edən Mirtağı Əsədov Gürcüstanda imam Əli adına "Elm şəhəri" Universitetinin açılacağını bildirib. O, İranın Arannews" agentliyinə bildirib ki, universitet rəsmi icazə alıb, orada islam dini tədris olunacaq, məzunlara isə sertifikatlar veriləcək.
Lakin universitet yaradılmadı, Gürcüstan Müsəlmanlarının Ali Dini İdarəsinin fəaliyyəti isə bu ölkə KİV-də ancaq bu məlumatla məhdudlaşır. İndiyədək bu təşkilatın adı xəbərlərdə çəkilmir. Gürcüstanda icitmai tədbirlərdə iştirak edən fəal təşkilat kimi Gürcüstan Müsəlmanları İdrəsinin adı çəkilir.
İstisna deyil ki, M.Əsədovun həbsi Bakıda, eləcə də Tbilisidə Gürcüstan Müsəlmanlarının Ali Dini İdarəsinin fəaliyyətinin arzuolunmaz kimi qiymətləndirilməsi ilə bağlı ola bilər. 02D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz