Bakı/05.10.18/Turan: "Sürücülərin TəhsilinəYardım" QHT-nin prezidenti Fazil Məmmədov, ekspert Ərşad Hüseynov, "Azərbaycanda yol hərəkəti və nəqliyyat" Hərəkatının nümayəndələri ölkə prezidentinə açıq müraciət ediblər. Müraciəti 300-dən çox vətəndaş imzalayıb. Onlar piyadalarla baş vermiş yol qəzalarında sürücülərin müdafiə olunmasını xahiş edirlər.
Bundan öncə fəallar prezidentə iki dəfə müraciət ediblər, Prezident Administrasiyasına məktub göndəriblər.
Müraciətdə bildirilir ki, 2016-cı ilin statistikasına görə, piyadalarla baş vermiş yol qəzalarının 93%-də sürücülər günahkar sayılıb. 7%-də məhkəmələr günahı piyadaların üzərinə qoyub.
2015-2017-ci illərdə Rusiya Federasiyasında məhkəmələr müəyyən ediblər ki, qəzaların 54%-i piyadaların günahından, 42% sürücülərin günahından, 4% digər şəxslərin günahından baş verib.
Sürücülərin günahkar olması barədə Azərbaycan stereotipi piyadaların məsuliyyətsiz davranmasına səbəb olur, müasir yol hərəkəti mədəniyyətinin formalaşmasına mane olur. Hakimlər qərar çıxararkən bu yalan stereotipə əsaslanırlar, qanunu yalnış təfsir edirlər, halbuki, Konstitusiyanın 25-ci maddəsinə (bərabərlik hüququ) əsasən sürücülər və piyadalar məhkəmələrdə münaqişələrə baxılması zamanı bərabər hüquqlara malikdir.
"Lakin əgər piyada kolun arxasından çıxıb özünü avtomobilin altına atırsa, sürücü fizika qanunlarını ləğv edə bilməz və avtomobil ətalət üzrə hərəkətini davam etdirir. Müstəntiqlər bu amili nəzərə almalıdır", - açıq məktubda deyilir.
Belə hallar da olur ki, avtomobil dayanıb, hərəkət edən piyada avtomobillə toqquşur və xəsarət alır. Lakin günahkar hərəkətsiz dayanan avtomobilin sürücüsü olur və cərimə ödəyir, məktubda deyilir.
Fazil Məmmədov Respublika Yol Polisi İdarəsinə idarə rəisinin birinci müavini polkovnik E.Kazımovun yanına çağırılıb. O, görülən müsbət işlər barədə ətraflı məlumat verib. Polkovnik açıq məktubla bağlı deyib ki, Yol Polisi yol hərəkəti qaydalarını dəyişməkdə və istintaq-məhkəmə orqanlarının işinə təsir göstərməkdə səlahiyyətli deyil.
F.Məmmədov hesab edir ki, açıq məktub Yol Polisinə yox, Ədliyyə Nazirliyinə göndərilməlidir, çünki qanunu müstəntiqlər və hakimlər təfsir edirlər, polis yox.
"Bizim qaldırdığımız məsələ açıq və həll olunmamış qalıb. Biz ikinci məktubu prezidentin adına göndərdik. Və məktubda bizi eşitmədiklərini anlatmağa çalışdıq. İkinci məktuba da cavab almadıq. Ona görə də prezidentə açıq məktubla müraciət etmək qərarına gəldik", - F.Məmmədov prezidentə müraciət etmələrinin səbəbini Turan-a izah edərkən deyib. -0-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz