Manatın dövriyyəyə buraxılmasından 25 il keçir
Bakı/15.08.17/Turan: Avqustun 15-də Azərbaycanın milli valyutası - manatın dövriyyəyə buraxılmasından 25 il keçir.
XX əsrin 90-cı illərinin əvvəlində müstəqillik əldə edən Azərbaycanda mərhum eks-prezident Əbülfəz Elçibəy 15 iyul 1992-ci il tarixli "Milli valyutanın dövriyyəyə buraxılması haqqında" fərman imzalayıb: "1992-ci il avqustun 15-də 1, 10 və 250 manatlıq əsginaslar, noyabrında 5, 10, 20 və 50 qəpiklik sikkələr, dekabrında 5 manatlıq əsginaslar, 1993-cü ilin martında isə 50, 100, 500 və 1 000 manatlıq əsginaslar dövriyyəyə buraxılıb".
Azərbaycanın ilk manat əskinaslarının eskiz müəllifi tanınımış rəssam Eldar Mikayılzadə olub və ilk pullar Fransa Mərkəzi Bankında hazırlanıb.
1992-ci ilin avqustundan 1994-cü ilin yanvarına qədər Azərbaycan ərazisində 1 manat 10 rubl nisbətində olub.
Keçmiş mərum prezident Heydər Əliyev hakimiyyətə gəldikdən sonra 11 dekabr 1993-cü il tarixli "Milli valyutanın respublika ərazisində yeganə ödəniş vasitəsi elan olunması haqqında" fərmanından sonra Azərbaycan rubl zonasından çıxıb.
Əgər 1994-cü ilin əvvəlində Azərbaycanda 1 ABŞ dolları 118 manata bərabər idisə, cəmi bir il sonra bu nisbət 4182 manata qalxıb.
2005-ci il fevralın 7-də Prezident İlham Əliyev "Pul nişanlarının nominal dəyərinin və qiymətlər miqyasının dəyişdirilməsi (denominasiyası) haqqında" fərman imzalayıb. Bu fərmana uyğun olaraq2006-cı il yanvarın 1-dən Azərbaycan ərazisində yeni manatdan istifadə edilib.
2005-ci ildən 2015-ci ilin fevral devalvasiyasına kimi manat regionun ən güclü və sabit valyutası olub, amma 2015-ci il fevral və dekabr devalvasiyalarından sonra 2 dəfəyə qədər ucuzlaşıb.
Neftin getdikcə ucuzlaşması və ölkəyə daxil olan dollar kültəsinin azalması fonunda yeni məzənnəni uzun müddət saxlamaq mümkün olmayıb və 2015-ci il dekabrın 21-də Mərkəzi Bank çıxış yolu kimi "üzən məzənnə" rejiminə keçib.
Hazırda dollar manata nisbətdə 1,7007 səviyyəsindədir. -05/6D-
-
- Bazarların icmalı
- 15 Avqust 2017 11:22
-
- İqtisadiyyat
- 15 Avqust 2017 12:28
Cəmiyyət
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
-
Respublika Sanitariya-Karantin Mərkəzinin vəzifəli şəxsləri cinayət məsuliyyətinə cəlb ediliblər. Bu barədə Baş Prokurorluq və Səhiyyə Nazirliyinin birgə məlumatında deyilir.
-
Mayın 2-də Bakıda və Abşeronda yağıntı gözlənilmir, şimal-qərb küləyi əsəcək, arabir güclənəcək. Havanın temperaturu gecə müsbət 13+16, gündüz müsbət 19+23 dərəcə olacaq.
Rəy yaz