Açiq mənbələrdən foto.

Açiq mənbələrdən foto.

Rusiyanın Türk Şurasına daxil olmaq istəyi, tikinti materiallarının bahalaşması, Azərbaycanda pandemiyanın sona çatması mümkünlüyü və s. məsələlər medianın aparıcı mövzuları sırasındadır...

“Bizimyolinfo.az” saytında “Rusiyanın Türk Şurasına üzv olmaq arzusu, yaxud “ayının min oyunu””... sərlövhəli məqalədə Rusiyanın məlum istəyi şərh edilir.

Müəllifin sözlərinə görə, Rusiya xarici işlər naziri Sergey Lavrov ölkəsinin türkdilli ölkələrlə daha sıx əməkdaşlıq etmək bəyanatı səsləndirib. “...Rusiya Türk Şurasına qoşulmağa hazırdır. Başa düşürük, bu birlik türkdilli ölkələr üçün yaradılıb, amma bizim də içimizdə tatar, altay, çuvaş, başqırd, yakut kimi türk xalqları var, razılıq olsa, qatılmağımızda bir problem olmamalıdır”, Lavrov belə deyib.

Müəllif əlavə edir ki, Lavrov bu təklifi bu günlərdə keçirilmiş “Yeni Bilik” forumunda səsləndirərək, Rusiyanın Türkdilli Dövlətlərin Əməkdaşlıq Şurasına (TDƏŞ) qoşulma ehtimalını nəzərdən keçirməyə hazır olduğunu bəyan edib.

Müəllifin fikrincə, Lavrovun bəyanatı “istəsəniz də, istəməsəniz də, biz də varıq” mesajıdır. 

Bəzi politoloqlar bu təklifi Rusiyanın türkün gücünü etiraf etməsi sayırlar: “Əslində isə bu daha çox türkləri nəzarətdən kənarda saxlamamaq cəhdinə, onların arasında olub, yeni nifaqlar yaratmaq istəyinə bənzəyir”, deyə müəllif bildirir.

Müəllifə görə, Rusiya təklifində səmimi deyil, bu təklif Türkiyənin türk dövlətləri ilə yüksəsk səviyyədə əlaqələr qurması, bu ölkələrin zəngin təbii sərvətləri olması amillərindən irəli gəlib: “Necə deyərlər, “ayının min oyunu var, bir armudun başında”...”, deyə müəllif  təklifə münasibət ifadə edir.

“Müsavat.com” saytı “SOS: Tikinti materialları sürətlə bahalaşır - səbəblər” sərlövhəli məqalədə bu məsələdən bəhs edir.

“Ötən ilin sonlarından etibarən Azərbaycanda tikinti materiallarının bahalaşması prosesi start götürüb. İlk olaraq bahalaşma sementdən başlayıb, bu ilin ötən dövründə dam örtükləri, taxta materialları və digər məhsulları əhatə edib. Nəticədə sementin kisəsi 6,3-6,5 manatdan 7,5 manata, taxtanın kubu 340-350 manatdan 410-420 manata, fanerin kvadratmetri 11-12 manatdan 17-18 manata, mişar daşının 1 ədədi 38-39 qəpikdən 42-43 qəpiyə, dam örtüklərinin 1 kvadratmetri 3 manatdan 4-4,2 manata qədər bahalaşıb”, deyə bildirilir.

Məqalədə bu bahalaşma işğaldan azad edilmiş Qarabağ ərazilərində gözlənilən bərpa-tikinti işlərilə bağlı bəzi “işbazların” əməlləri kimi dəyərləndirilir.

Müəllifə görə, bunun qarşısını almaq üçün müvafiq dövlət qurumları bazarlarda süni qiymət artımını nəzarətə götürməlidir.

Bahalaşma ilə bağlı tikinti bazarının iştirakçıları isə deyirlər ki, son 6 ayda alış həcmlərində ciddi artım baş verməyib, yalnız aprel ayından bəri tikinti işlərinin həcmində artım müşahidə olunur ki, bu da hər il təkrarlanan haldır.

Belə ki, adətən tikinti işləri havalar əlverişli olan yaz aylarında həyata keçirilir, yay, payız, qışda tikinti həcmlərində azalma baş verir.

Tikinti materiallarının pərakəndə satıcıları isə taxta materiallarının bahalaşmasını Rusiyada baş verən bahalaşma ilə əlaqələndirirlər. Azərbaycan Rusiyadan ixrac olunan ağac materialının 9%-ini alır.

“Qafqazinfo.az” saytında “Yaxın vaxtlarda ölkəmizdə pandemiyanın bitməsini gözləyə bilərik - TƏBİB rəsmisi” sərlövhəli məqalədə bu barədə danışılır.

Tibbi Ərazi Bölmələrini İdarəetmə Birliyinin (TƏBİB) Elmi Komitəsinin sədri, professor Akif Qurbanov deyir ki, pandemiyanın bitməsi üçün əhalinin təqribən 2/3 hissəsinin immunitet qazanması lazımdır, bu da əhalinin 70-75%-nin peyvənd olunmasını tələb edir.

Onun sözlərinə görə, hazırda vaksinasiya olunanların sayı 1.7 milyondan çoxdur, bu da təqribən əhalinin 20-25%-i deməkdir.

A.Qurbanov bir o qədər də əhalinin xəstəliyi keçirərək immunitet qazanması düşüncəsindədir və bunu böyük rəqəm sayır. Onun ikrincə, yaxın müddətdə əhali qrupundam immunitet qazanmışların sayı nəzərdə tutulan həddə yaxınlaşacaq: “Buna görə də yaxın vaxtlarda pandemiyanın bitməsini gözləyə bilərik”. 

Xatırladaq ki, hazırda ölkədə vurulan peyvəndlərin ümumi sayı 1 986 969 ədəddir.

 

Rəy yaz

Cəmiyyət

Qubad İbadoğluna qarşı yeni ittiham? – Qardaşı Qalib Bayramov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti