QHT-lərlə bağlı qanunvericiliyə dəyişikliklər kimin xeyrinədir?

PA-sı Hüquq-mühafizə orqanları ilə iş şöbəsinin müdiri Fuad Ələsgərov QHT sektorunda durumla bağlı “Azərbaycan” qəzetinə açıqlamalar verib.

F.Ələsgərova görə bu sahənin fəaliyyətini tənzimləyən qaninvericlik bazasına olunan dəyişklik və düzəlişlər şəffaflığın təmin olunması və QHT-lərin dövlət qurumları ilə əlaqələrinin sadələşdirilməsi məqsədilə edilir. F.Ələsgərov şəffaflığın təmin edilməsi təkcə dövlət qurumlarına yox, vətəndaş cəmiyyəti sektoruna da aid edilməlidir.

PA-sı məsulu bu dəyişikliklər sırasında 2013-cü ilin dekabrında qanunvericiliyə olan dəyişiklik və düzəlşiləri xüsusi qeyd edib. O, bu dəyişiklikləri xarici dövlətlərin qeyri-hökumət qurumlarının filial və nümayəndəliklərinin Azərbaycandakı fəaliyyətlərinin qanunvericiliklə kifayət qədər tənzimlənməməsi boşluğunun aradan qaldırırlması kimi dəyərləndirir. F.Ələsgərov daha bir məsələ kimi qanunveeicilikdə alınan qrantların Ədliyyə nazirliyində qeydə alınması, əks halda QHT-nin bank əməliyyatları keçirə bilməyəcəklərini göstərir. “Bununla da QHT-lərə qrant verilməsi prosesi təmin olunacaq, prosesin iştirakçıları və ayrılan qrantın məqsədi hamıya məlum olacaq”deyə PA-sının məsulu bildirib.

F.Ələsgərov Azərbaycandakı QHT-lərin heç də hamısının fəaliyyətinin şəffaf olmaması ittihamı səsləndirib. Onun açıqlamasına görə, “Milli və Beynəlxalq Araşdırmalar Mərkəzi” bir neçə il ərzində 9 qrant müqaviləsinə görə 358 min AZN vəsait alıb, cəmi iki layihə Ədliyyə nazirliyində qeydiyyatdan keçirilib. Daha sonra PA-sı məsulu hazırda həbsdə olan hüquq müdafiəçisi Leyla Yunusun rəhbəri olduğu Sülh və Demokratiya institunu maliyyə qapalılığnda ittiham edib. Bundan əlavə, F.Ələsgərov beynəlxalq qurumların yerli nümayəndəliklərini ölkə qanun vericiliyinin tələblərini pozamqda suçlayıb. “Bəzi hallarda xarici donorlar müəyyən qurumları məqsədli şəkildə maliyyələşdirir və onları ölkə qanunlarını, sabitliyi kobud şəkildə pozan qanunsuz fəaliyyətə, dövlətə qarşı yönəldirlər”-deyə F.Ələsgərov faktiki beyənlxalq qurumları dövləti cinayətdə ittiham edir. Həm də NİDA təşkilatının Milli Demokratiya institutu tərəfindən maliyyələşdirilməsini buna nümunə göstərir.

F.Ələsgərov Avropa Demokratiyaya Dəstək Fondunu Azərbaycan dövlətinin nüfuzuna xələl gətriməkdə ititham edib, “MeydanTV”yə 300 min dollar qrant ayımasının da bu məqsədə xidmət etdiyini vurğulayıb.

Qanunvericiliyə olan bu dəyişikliklərin xarici donorlar tərəfindn verilən qrantların azalacağı və fəaliyyət göstərə bilməyəcəkləri haqda bəzi QHT-lərin narahatlığı ilə bağlı suala F.Ələsgərov cavab vermir. Əvəzində PA-sının şöbə müdiri Azərbaycan dövlətinin QHT sektoruna maliyyə vəsaitləri ayırması, bəzi nazirliklərin qrant ayırmaları haqda danışır.-05D-