Açiq mənbələrdən foto.
Bakı/02.11.20/Turan: Dağlıq Qarabağ və onun ətrafındakı bölgələrdə işğala qədər 858,6 MVA gücündə 20 yarımstansiya olub.
Bu barədə Azərbaycan Energetika Nazirliyinin məlumatında deyilir. Stansiyalar Şuşa, Xocalı, Xocavənd, Laçın, Qubadlı, Cəbrayıl, Zəngilan, Füzuli, Kəlbəcər və Ağdamda yerləşib.
"Lakin, Ermənistanın işğalı nəticəsində infrastruktur ya tamamilə məhv edildi, ya da talan edilib". - deyə nazirlik bildirir.
Eyni zamanda, bu bölgədə 2 min kilometr uzunluğunda qaz xətləri və 34 qaz paylama avadanlığı var idi.
Nazirlik ərazilərin azad edilməsindən sonra məhv edilmiş və talan edilmiş infrastrukturun yenidən qiymətləndiriləcəyini qeyd edib.
Energetika Nazirliyi bəyan edib ki, Dağlıq Qarabağın və ətrafındakı bölgələrin müxtəlif enerji mənbələri üçün böyük potensialı var.
Qarabağ Azərbaycanda yerli su ehtiyatlarının formalaşdığı əsas rayonlardan biridir. Azərbaycanın yerli su ehtiyatlarının 25%-i, yəni ildə təqribən 2 milyard 560 milyon kub metr su ehtiyatları bu ərazidə formalaşır.
İşğal olunmuş ərazilərdə üç iri su elektrik stansiyası olub. Bu stansiyalardan biri “Tərtər” SES 1976-cı ildə Tərtər rayonu ərazisində, Tərtərçayın üzərində Sərsəng su anbarı ilə birgə inşa edilib.
Bəndinin hündürlüyünə görə (125 metr) Sərsəng ölkədə ən hündür bəndli su anbarlarından biridir. Sərsəng su anbarı 6 rayonunun (Tərtər, Ağdam, Bərdə, Goranboy, Yevlax və Ağcabədi) 125 min hektara yaxın torpaq sahəsini suvarma suyu ilə təmin edirdi.
Regiondakı digər mühüm enerji obyektləri “Xudafərin” və “Qız Qalası” su elektrik stansiyalarıdır.
Nazirlikdə qeyd ediblər ki, 2020-ci ilin oktyabr ayında Cəbrayıl rayonunun işğaldan azad edilməsi, İran İslam Respublikası ilə dövlət sərhədinin tam nəzarətə götürülməsi “Xudafərin” və “Qız Qalası” hidroqovşaqları üzərində elektrik stansiyalarının inşasının başa çatdırılması baxımından da çox önəmli bir hadisədir. Bu layihələr həm işğaldan azad edilmiş ərazilərin elektrik enerjisi ilə təmin edilməsində, həm də suvarılmasında xüsusi rol oynayacaqdır.
Bundan əlavə, nazirlikdə hesab edirlər ki, bu bölgənin günəş və külək enerjisinin inkişafı üçün böyük potensialı var.
Kəlbəcər rayonu ərazisində və Şuşada termal suyun ehtiyatları var. Onların potensialı ərazilər tamamilə azad edildikdən sonra istifadə ediləcək.
Nazirlik Qarabağda kömür yataqlarının da olduğunu və xüsusilə Tərtər rayonunun Çardaqlı kəndində 8,5 milyon ton kömür ehtiyatının olduğunu bildirib. –71D-
Enerji
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
17 yanvar tarixində iranlı həmkarı Məsud Pezeşkiyan ilə apardığı danışıqlardan sonra keçirilən mətbuat konfransında Rusiya Prezidenti Vladimir Putin iki ölkə arasında qaz kəmərinin tikintisi layihəsinin işə salındığını təsdiqlədi. Onun sözlərinə görə, ilkin tədarük həcmi 2 milyard kubmetrə çata bilər, lakin sonrakı mərhələdə bu həcmin illik 55 milyard kubmetrə qədər artırılması planlaşdırılır.
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
Rəy yaz