2014-cü ildə fermerlər 117 mln manat subsidiya alıb

Kənd Təsərrüfatı Subsidiyaları üzrə Respublika Komissiyası 2014-cü ilin hesabatını verib. Sənəddə subsidiyaların bölünməsindəki mənfi hallar da əksini tapıb.

Ötən il 150 min buğda və düyü istehsalçısı 503,8 min ha əkin üçün 20,1 mln manat alıb. Onlar, eləcə də çoxillik bitkilər becərən 234 min fermer 1 295,7 min ha sahənin becərilməsi üçün büdcədən 51,8 mln manat subsidiya alıb.

Komissiyanın qərarı ilə ötən ilin I yarısında 3 rayonda subsidiyaların verilməsinin qanunuliyi yoxlanılıb. Hər 3 rayonda (Beyləqan, İmişli və Şabran) ciddi pozuntular aşkarlanıb və materiallar Baş Prokurorluğa göndərilib. Fermerlərə subsidiya verilməsi üzrə ödəniş kartları inventarlaşdırılıb və 77739 kart sistemdən çıxarılıb.

Ötən il güzəştli qiymətlə (50% və 70%) 107,7 min ton mineral gübrə satılıb. Tədarükçülər buna görə dövlət büdcəsindən 32,5 mln manat alıb. Bu, 2013-cü ildəkindən 30,5% çoxdur.

Toxum istehsalçılarına 10 mln manat subsidiya verilib. 

Nazirlər Kabinetinin 28 dekabr 2014-cü il tarixli sərəncamı ilə Qobustan, Şamaxı ,Qəbələ, Şəki fermerləri qurqalıq və doludan ziyan çəkən sahələrlə bağlı 2 mln 850 min manat toxum pulu alıblar.

Subsidiyaların ümumi həcmi 117 mln manat olub. Bu il kənd təsərrüfatı ili elan edilib. Ötən il sənaye ili idi. Amma bununla sənaye inkişaf etmədi. --08D—