Sığorta Nəzarətinin rəhbəri: «Ödəniş artımı üçün normativ sənədlərdə dəyişikliyə ehtiyac yoxdur»

Ötən il sığorta bazarında ödənişlər mükafatların 30,27%-i qədər olub. Bu, postsovet məkanı üçün normaldır. 

Bu səviyyə könüllü tibbi sığorta (70,55%), avtomobillərin КАСКО sığortası (49,1%), hərbçilərin icbari sığortası (40,2%), avtonəqliyyat vasitələri sahiblərinin mülki məsuliyyətinin sığortası (AVSMMİS) (38,9%) hesabına olub. Elə sahələr var ki, ödəniş mükafatdan çoxdur – əməkdaşların dələduzluğundan sığorta üzrə 1,01 yığılıb, 2,24 mln manat ödənilib. 

Gəlirli növ isə hava nəqliyyatının sığortasıdır burda ödənişlər 0,09% olub. Dəniz nəqliyyatının sığortası üzrə nisbət – 0,9%, həyat yığım sığortası üzrə 0,15%, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 5,87%-dir. 

Dövlət Sığorta Nəzarəti Xidmətinin rəhbəri Namiq Xəlilov Turan-a bildirib ki, bu, inhisarçılıq və ya zəif nəzarətin nəticəsi deyil, normativ sənədlərdə dəyişikliyə ehtiyac yoxdur. «2012-ci ildə ödənişlərin mükafatlara nisbəti 27,5%, ötən il 30,3% olub. Bu, sosialyönlü növlər hesabınadır. Ötən ildən YNH-ə düşənlər hətta sığorta polisi olmasa İSB hesabına 1 min manat kompensasiya alır.. Bu il nisbətin 33-35% olacağını düşünürəm», - deyə bildirib. --17D—