Prezident İlham Əliyev Çinə gedib
Dekabrın 8-də prezident İlham Əliyevin Çinə üçgünlük rəsmi səfəri başlayıb. Səfər ÇXR sədri Ki Tszinpinin dəvətilə həyata keçirilir.
Səfər Şensi əyalətinin 8 milyonluq Sian şəhərindən başlayıb. Şəhər Pekinin 1,5 min km.-də yerləşir və elektrik avadanlıqları, təyyarə, toxuculuq malları istehsalı üzrə mühüm mərkəzlərdən sayılır.
“Böyük Sian” ərazisində dörd “inkişaf zonası” fəaliyyət göstərir ki, bunun ikisi ümumdövlət əhəmiyyətlidir.
Məşhur “İpək yolu” buradan başlayıb. VII əsrin ortalarında Çində buddizmin yayılmasına məhz buradan başlanılıb. Terrakota Ordusu Muzeyi də burada yerləşir.
İ.Əliyev sonuncu dəfə Çində 2014-cü il mayın 20-də olub və Asiyada Qarşılıqlı Əməkdaşlıq və İnam Tədbirləri Müşavirəsinin sammitində iştirak edib.
Onun Çinə ilk rəsmi səfəri 2005-ci 17-19 mart tarixlərində olub.
Azərbaycanla Çin arasında əmtəə dövriyyəsi 2014-cü ildə 1,2 mlrd.-dan 800 mlrd.-dək azalıb. Bu, hər iki ölkədə mənfi iqtisadi trendlə əlaqədar baş verib. Lakin tərəflər Transxəzər beynəlxalq nəqliyyat marşrutunun işə salınması ilə əlaqədar əmtəə dövriyyəsinin yenidən dirçələcəyinə ümid edirlər.
Bu yaxınlarda 82 konteynerdən ibarət ilk qatar Çindən Azərbaycan vasitəsilə Avropaya yola düşüb. Bu marşrut ilə ildə 400 konteyner daşınması planlaşdırılır.
Çin Azərbaycanda investisiyalara maraq göstərir. 2003-cü ildə SOCAR və Çinin Shengli Оil şirkətləri arasında “Pirsaat” yatağının və ona bitişuk sahələrin birgə işlənməsi üzrə müqavilə imzalanıb.
Çinlilər bir sıra yerli müəssisələrin – sement zavodu, alüminium zavodunun yenidən qurulmasında iştirak ediblər. 2011-ci ildə China National Electric Equipment Corp (CNEEC) Mingəçevir və Varvara HES-lərin modernləşdirilməsinə başlayıb.
2014-cü ildə Çin Mərkəzi Bankı investisiya, dövlət istiqrazlarının və agentliklərin istiqrazlarının saxlanması üçün Azərbaycan Dövlət Neft Fonduna 3 mlrd. yuan (500 milyon dollara yaxın) həcmində kredit verib.
Son vaxtlar neftin qitmətinin enməsi ilə əlaqədar Azərbaycan iqtisadiyyatına xarici qoyuluşlarla bağlı qıtlıq yaranıb. İstisna deyil ki, İ.Əliyevin Çin rəhbərliyilə görüşlərində müzakirə edilən məsələlərdən biri çinli investorların Azərbaycana dəvət edilməsi olacaq.
Beynəlxalq səviyyədə rəsmi Pekin Qarabağ məsələsində Bakının mövqeyini dəstəkləyir və bildirir ki, münaqişənin nizamlanması yalnız Azərbaycanın ərazi bütövlüyü çərçivəsində mümkündür. Azərbaycan bu dəstəyi vacib sayır.—0—
-
- Cəmiyyət
- 9 Dekabr 2015 13:48
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz