Açiq mənbələrdən foto.
Azərbaycan-İran münasibətlərinə politoloqdan baxış, Gəncənin keçmiş icra başçısı ilə bağlı məhkəmədəki məqamlar, bir neçə partiyanın YAP-a qoşulması səbəbləri və s. məsələlər medianın mövzuları sırasındadır.
“Metbuat.az” saytı “İran ilə bağlı sensasion açıqlama: "Qarabağda tikinti layihələrində yer verilməməlidir” sərlövhəli məqalədə Qarabağın işğaldan azad edilmiş ərazilərində İranın tikinti şitkətlərinə yer verilməməsi düşüncələri ortaya qoyulur.
Politoloq Məhəmməd Əsədullazadə bu ilin iyun ayında İranda keçiriləcək prezident seçkilərindən sonra mühafizəkar qanadın hakimiyyətə mümkün gəlişindən sonra Azərbaycan-İran əlaqələrinin pisləşə biləcəyini iddia edir.
Politoloq vurğulayır ki, islahatçılardan fərqli olaraq mühafizəkarlar daima Azərbaycana təzyiqlər etməyə çalışıblar və buna nümunə olaraq prezident Mahmud Əhmədnecatın hakimiyyət dövründəki hadisələri göstərir. Onun fikrincə, İranda "islahatçılar”ın hakimiyyəti İran-Azərbaycan əlaqələrində müəyyən dərəcədə inkişaf və dinamikaya səbəb olur.
“İyunda islahatçılar məğlub olacaqlarsa, Azərbaycan İran siyasətinə yenidən baxmalı olacaq. Ona görə də Azərbaycan bu ölkəyə hər hansı investisiya qoymamalı və Qarabağda tikinti layihələrində yer verməməlidir”, - politoloq münasibətini ifadə edir.
M.Əsədullazadə mühafizəkarların İranda hakimiyyətə gələ bildikləri halda ABŞ-la münasibətlərin gərginləşəcəyini, Xəzərin statusu ilə bağlı İranın müsbət addım atmayacağını, İsraillə vəziyyətin müharibə həddinə çatacağını bildirir.
Daha bir məqama toxunan politoloq deyir ki, İsrail-Azərbaycan arasında münasibətlər yaxşı olduğu üçün İran Azərbaycanla siyasəti mənfiyə çəkəcək.
“Müsavat.com” saytı “ Güllələnən Elmar Vəliyev deyilənləri dərk etmir, fikrini çatdıra bilmir- məhkəmə işi” sərlövhəli məqalədə müəllif Gəncə şəhərinin keçmiş icra başçısı E. Vəliyevə qarşı sui-qəsdlə bağlı məhkəmə prosesindəki məqamları dəyərləndirir.
Müəllif deyir ki, sui-qəsddə ittiham olunan Yunis Səfərov və daha 11 nəfərin işi üzrə məhkəmə araşdırması davam edir. İttihama görə, Y.Səfərov və daha 11 nəfərə qarşı qəsdən adam öldürməyə cəhd, terror, qanunsuz silah saxlama da daxil olmaqla, 30-a yaxın maddə ilə ittiham irəli sürülüb.
Məqalədə vurğulanır ki, Y.Səfərovun vəkili Bəxtiyar Hacıyev zərərçəkmiş qismində tanınan E.Vəliyevin məhkəmədə dindirilməsi barədə vəsatət qaldırıb, amma E.Vəliyevin nümayəndəsi Fəxrəddin Səfərov bununla razılaşmayıb.
Vəkil bildirib ki, Cinayət Məcəlləsinin 59.1.12 maddəsində zərərçəkmişlə barışıq əldə edilməsinin təqsirləndirilən şəxsin vəziyyətini yüngülləşdirən hallardan biri sayıldığı üçün zərərçəkən tərəf dindirilməlidir ki, onun bu haqda fikri öyrənilsin.
Müəllifin deməsinə görə, E.Vəliyevin nümayəndəsi Fəxrəddin Səfərov bildirib ki, keçmiş icra başçısının durumu onun məhkəmədə dindirilməsinə imkan vermir. Hakim Əfqan Hacıyev də Türkiyədəki klinikalardan birindən məhkəməyə göndərilmiş həkim rəyini elan edib. “Türkiyə türkcəsində tərtib olunan rəydə icra başçısının tibbi diaqnozu yazılıb. Həkim rəyinə əsasən Elmar Vəliyev deyilənləri dərk etmək, fikrini çatdırmaq iqtidarında deyil. Onun əqli və fiziki durumu buna imkan vermir”, -müəllif bildirir.
Müəllif əlavə edir ki, vəkil Cavad Cavadov məhkəmənin nəzərinə çatdırıb ki, E.Vəliyevin onu məhkəmədə təmsil edən nümayəndəsinə notarial qaydada verilmiş etibarnaməsi var: “Əgər onun əqli və fiziki durumu normal deyilsə, etibarnaməni necə verib?”, - vəkil bildirib. Hakimlər müdafiə tərəfin vəkillərinin qaldırdığı vəsatətlərin heç birini təmin etməyiblər.
“Yenisabah.az” saytı “Başqa hansı partiyalar YAP-a birləşəcək? - “Fərqli mövqelərdəyik” sərlövhəli məqalədə hakim Yeni Azərbaycan Partiyasının martın 5-də keçirilmiş VII qurultayında bir neçə partiyanın özünü buraxaraq bu quruma qoşulmasını dəyərləndirir.
Belə ki, Xalq Demokratik, Kəndlilər, Milli Qurtuluş, Milli Hərəkat və daha bir neçə partiya YAP sıralarına qoşulublar və bu barədə YAP qurultayında qərar qəbul edilib.
“YAP-a birləşmək barədə qərar verənlər fəaliyyət göstərməyən partiyalardır” deyə Böyük Azərbaycan Partiyasının (BAP) sədri Elşad Musayev bu addımı dəyərləndirib.
Onun iddiasına görə, partiyaların hansı gücə malik olmaları ancaq demokratik seçki zamanı üzə çıxır, Azərbaycanda belə hal olmayıb.
O, sədri olduğu partiyanın YAP-a qoşulmamasına da aydınlıq gətirərək bunu fərqli mövqelərdə olmaları ilə əsaslandırıb.
“Onların düşündüyü, idarə etdiyi sistem inzibati amirlik metodlarına əsaslanan mövcud sistemdir. Bizim düşündüyümüz sistem isə hüquqi dövlətçiliyin əsas prinsipləri olan qanunun aliliyini nəzərdə tutur” deyə BAP sədri bildirib.
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz