Voyager-1 Azərbaycan musiqisinin səsini Günəş sistemindən uzaqlarda yayacaq

Voyager-1 peyki sonsuzluğa yönələrək Günəş sistemindən gedir. Bu barədə Britaniyanın The Sun qəzeti yazır.

35 il öncə buraxılmış pilotsuz Amerika gəmisi hazırda Yerdən 11200 mln. km. məsafədədir. Lakin o, yad planetlilər tərəfindən tutulmayana kimi  milyard il Qalaktikada dolaşa bilər.

Voyager-1 Günəş sistemini tərk etdikdən sona hər hansı başqa planetə çıxana kimi böyük məsafəni bürüyəcək. 40.000 ildən sonra  AC +79 3888 kimi tanınan ulduzdan 9,3 trilyon mil məsafədə olacaq.

Voyager-1 və Voyager-2 1977-ci ildə müxtəlif vaxtlarda Florida ştatında Kanaveral burnundan buraxılıb. Həmin vaxtdan iki kosmik gəmi geriyə foto və informasiya göndərib ki, bu da bizim Günəş sistemi haqqında biliklərimizi yaxşılaşdırıb.

Marşrut üzrə Uran və Neptunu əhatə edən Voyager-2 hazırda Yerdən 9200 milyon mil məsafədədir. 

Voyager-1 daha çevik trayektoriyada yerləşir, o 1979-cu ilin martında Yupiterin, 1980-cı ilin noyabrında Saturnun yanından keçib. 

Hər iki gəmidə qızıl suyuna çəkilmiş disk var ki, bu da Yerdə həyat haqqında informasiyanı əhatə edir və intellektual yadelli həyat forması üçün nəzərdə tutulub. 

Voyagerin qızıl diski özündə Yeri göstərən xəritəni əhatə edir. Bura həmçinin 27 səs daxildir. Bunların arasında Çak Berrinin səsyazmaları, Bethovenin beşinci simfoniyası və Azərbaycan zurnasının səsi var. Həmçinin 55 dildə salamlaşma və insan beyninin elektrik aktivliyinin qeydi də var.  

NASA layihəsinin keçmiş direktoru, professor Edvard Stoun bildirib:  “Voyager artıq bizə Günəş sisteminə yeni baxış verib və biz özümüz üçün çox şeyləri kəşf etməyi davam etdiririk”. -0-