�Şərq Tərəfdaşlığı�nın �Daha güclü cəmiyyətlər üçün güclü iqtisadiyyat� konfransı başlayıb

Vyana/07.12.2018/Turan: "Şərq Tərəfdaşlığı"nın illik konfransı və biznes-forum "Şərq Tərəfdaşlığı" və 2020-ci ilədək onun 20 nəticəsi" çərçivəsində bugünkü birgə nailiyyətlərimizi üzə çıxarmaq üçün gözəl imkandır", - Avropa Komissiyasının qonşuluq siyasəti və genişləndirmə məsələləri üzrə nümayəndəsi Yohannes Han Aİ "Şərq Tərəfdaşlığı"nın illik konfransının açılışındakı çıxışında bildirib.

Cümə günü Vyanada konfrans başlayıb. Tədbir Aİ Şurası və Avropa Komissiyasının sədri qismində Avstriya tərəfindən təşkil edilib.

Y.Han qeyd edib ki, bu əsasda Aİ kiçik və orta müəssisələr üçün lazımi işgüzar mühitin təmin olunmasına, gənclərin oxuması, işləməsi və cəmiyyətdə hərtərəfli iştirakı üçün yeni imkanların yaradılmasına yönələn islahatlar aparacaq,

Sonra konfrans sessiyalarda davam edəcək. İştirakçılar qabaqcıl praktika üzrə fikir mübadiləsi apara biləcək, öz təcrübələrini bölüşəcəklər.

Konfrans çərşivəsində əsasən iqtisadi və hüquqi şəraitlə bağlı məsələlər müzakirə olunacaq. Məqsəd tərəfdaş ölkələrdə işgüzar və investisiya mühitinin yaxşılaşdırılması, yeni iş yerlərinin yaradılmasıdır.

Panel diskussiyalarda əsas diqqət kiçik və orta sahibkarlığın irəliləməsinə, birbaşa xarici investisiyaların cəlb edilməsinə, tərəfdaş ölkələrdə iş yerlərinin yaradılmasına və vətəndaşların işə düzəlməsi üçün etibarlı imkanlarla təmin olunmasına, həmçinin əmək bazarında tələb olunan vərdişlərin inkişafının stimulaşdırılmasına yönəldiləcək.

Təşkilatçıların fikrincə, bu tədbirlər iqtisadiyyatların və cəmiyyətlərin möhkəmləndirilməsi üzrə gələcək tədbirlərin müzakirəsi üçün platforma yaradır ki, bu da vətəndaşların rifahının və həyat səviyyəsinin yüksəlməsinə yardım edəcək, bununla da regionda sabitliyi möhkəmləndirəcək.

2009-cu ildən "Şərq Tərəfdaşlığı" proqramı başlandığı vaxtdan Aİ 348 mln. avro ayırıb. Bununla da 70 min müəssisəni dəstəkləyib, şirkətlər üçün 1,96 mlrd. avro məbləğində kreditə təşəbbüs göstərib və 28 min yeni iş yeri yaradıb.-71D-