![Su sayğaclarından kimə nə qədər çatıb?](https://turan.az/resized/./turan-750-500-resize.webp)
Su sayğaclarından kimə nə qədər çatıb?
“Azərsu” ASC-nin Bakı və Sumqayıtda 50 min su sayğacının satın alınıb quraşdırılması üzrə müqavilələrinin yeni detalları açılıb.
İqtisadiyyat Nazirliyinin məlumatına görə, beş müqavilənin qiyməti 11 mln 586,3 min manat olub. Ötən ilin martında bu məqsədlə cəmi 12 mln manat ayrılıb. Bir su sayğacının alınıb quraşdırılması dövlət büdcəsinə 231 manat 72 qəpiyə başa gəlib.
“Hidro İnşaat Servis” şirkəti ilə Nəsimi, Nərimanov, Binəqədi, Yasamal və Səbail rayonlarında 10 min su sayğacının quraşdırılması üzrə müqavilənin qiyməti 3 mln 284 min 484 manatdır. Bir sayğac 328,44 manata satılıb.
“Əsil İnsaatçı-R” (Nizami və Xətai rayonları) 2 mln 102,8 min manat, “Anv-İnşaatçı” (Sabunçu və bağ evləri) – 2 mln 77,2 min manat, ООО “İnşaatçı” (Suraxanı, Xəzər və Pirallahı rayonları) – 2 mln 70,7 min manat və “İnşaatçı Neftçi” MMC (Sumqayıt, Abşeron və Qaradağ rayonları) 2 mln 50,8 min manatlıq müqavilə bağlayıb.
Xatırladaq ki, Turan İA “Azərsu” ASC-yə qarşı bu satınalma ilə bağlı sorğuya cavab evrmədiyi üçün iddia qaldırıb. Məhkəmə araşdırması zamanı məlum olub ki, sayğaclar “Gəncə cihazqayırma zavodu”ndan alınır. Bu zaman təkcə smart sayğaclar yox, köhnə mexaniki sayğaclar da alınır. “Azərsu” ASC bu sayğacların nisbətini açıqlamır. 08D
-
- İqtisadiyyat
- 29 Mart 2017 14:31
-
- Siyasət
- 29 Mart 2017 14:38
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz