AMB rəhbəri ölkənin valyuta ehtiyatlarının artdığını, uçot dərəcəsinin azaldığını açıqlayıb

Bakı/30.07.20/Turan: Yanvar-iyul aylarında Azərbaycanın strateji valyuta ehtiyatları (SVE) 1,2% artaraq 51,7 mlrd. dollara çatıb, bunu iyulun 30-da keçirilən mətbuat konfransında Mərkəzi Bankın (MB) rəhbəri Elman Rüstəmovun deyib.

Eyni zamanda, Mərkəzi Bankın özünün valyuta ehtiyatları ilin əvvəlindən 3,3% artıb, 2019-cu ilin yekunlarına əsasən göstərici 6,2 mlrd. dollar olub.

Azərbaycanın SVE-nın ümumi həcmindən 43,2 mlrd. dollardan çoxu Dövlət Neft Fondunun aktivləridir, 6,4 mlrd. dollardan çoxu AMB-nin ehtiyatları, qalan hissəsi dövlət depozitləridir (Maliyyə Nazirliyinin xəzinə fondları).

AMB-nin ehtiyatlarının artması əsasən vəsaitlərin bir hissəsinin xarici idarəetmədə olması, həmçinin valyuta svopları hesabına baş verib.

ARDNF-da təxminən 2 mlrd. dollar xarici menecerlərin idarəetməsinə verilib.

Qeyd edək ki, Azərbaycanın SVE-nın ən yüksək səviyyəsi 2014-cü ilin yanvar-sentyabr aylarında qeydə alınıb - 53,7 mlrd. dollar, lakin manatın sonrakı devalvasiyası, Azərbaycanın neft gəlirlərinin azalması ölkənin valyuta ehtiyatlarının azalmasına səbəb oldu.

AMB rəhbərinin sözlərinə görə, ilin ikinci yarısında ölkə koronavirus pandemiyası ilə əlaqəli neqativ qlobal proseslərin fonunda makroiqtisadi sabitliyə nail ola bilib.

"Neft qiymətlərinin sabitləşməsi, Azərbaycanda sabit makroiqtisadi vəziyyət və inflyasiya gözləntilərinin aşağı olması iyulun 30-dan etibarən ölkədə uçot dərəcəsinin aşağı düşməsini şərtləndirib", deyə Rüstəmov bəyan edib.

Azərbaycan Mərkəzi Bankı (AMB) cümə axşamı uçot dərəcəsini 7% -dən 6,75% -ə endirməklə bağlı qərar qəbul etdi, faiz dəhlizinin aşağı həddi 6,5% -dən 6.25% -ə, yuxarı həddi 7.5% -dən 7,25%-ə endirildi.

Faiz dəhlizinin parametrləri ilə bağlı növbəti qərarlar risk balansının dəyişməsinə, iqtisadi fəaliyyətin dəstəklənməsi üçün prioritetlərin makroiqtisadi sabitlik hədəfləri ilə uyğunlaşdırılmasına (AMB-nin uçot dərəcəsi ilə bağlı iclası cədvələ uyğun olaraq sentyabrın 18-nə təyin edilib) müvafiq olaraq qəbul ediləcək.

Ölkənin bank sektorundakı vəziyyətə toxunan Rüstəmov, ləğv edilən bankların müştərilərinin 80 mln. manat həcmində dondurulmuş əmanətləri məsələsinin yaxın vaxtlarda həll olunacağını və bununla bağlı Konstitusiya Məhkəməsinin müvafiq qərarının olduğunu bildirdi.

Xatırladaq ki, AMB aprel-may aylarında kapitalla bağlı problemlər və ödəmə qabiliyyətinin aşağı olmasına görə 4 bankın - AtaBank, Amrahbank, AGBank və NBCBankın lisenziyalarının ləğvi ilə bağlı qərar qəbul edib.

Bu banklar müflis elan olunur və onların ləğvi həyata keçirilir (ləğvedici - ADIF).

ADIF-in məlumatına görə, bu bankların 15 minə yaxın əmanətçisi 305,2 mln. manatdan çox kompensasiya alıb.—0--