![nnao.ru](https://turan.az/resized/media/2017/main/072800003462-750-500-resize.webp)
nnao.ru
Bakı /28.07.17/Turan: İyulun 26-da RF prezidenti Vladimir Putinin Rusiya Federasiyası və Ermənistan Respublikası arasında birləşmiş hərbi qruplaşmanın yaradılması barədə sazişin ratifikasiyası haqqında federal qanunu imzalaması azərbaycanlıların mənfi reaksiyasına səbəb olub.
Qorxu və çaxnaşma yoxdur, ancaq antirusiya əhval-ruhiyyəsi güclənməyə bilməzdi. Analitiklərin bir çoxu bu məsələdə Rusiyaya bəraət qazandırır. Məsələn, hüquq müdafiəçisi Əvəz Həsənov hesab edir ki, Moskva, sadəcə, Ermənistanı Avropa İttifaqı ilə saziş imzalamaqdan yayındırır. Keçmiş siyasi məhbus Tofiq Yaqublu kimi digərləri isə Bakının Rusiyanın vasitəçiliyindən imtina etməməsindən hiddətlənir. Halbuki, Moskva açıq şəkildə təcavüzkarın tərəfini tutur.
"Belə olmaz. Vasitəçilərdən biri, ATƏT-in Minsk Qrupunun həmsədri olan Rusiya Qarabağı işğal edənlə öz qoşunlarını birləşdirib. Halbuki, RF Qarabağ nizamlanmasında obyektiv vasitəçi olmalıdır. Azərbaycan rəhbərliyi isə öz hiddətini bildirmək və bu cür vasitəçidən imtina etmək üçün özündə güc tapmır", - T.Yaqublu Filadelfiyadan yazır.
"Birləşmiş Silahlı Qüvvələrin yaradılması haqqında müqavilə 2016-cı il oktyabrın 30-da Moskva və Yerevan arasında imzalanıb. Ancaq hər iki tərəf Azərbaycana təzyiq vasitəsi kimi saxlayaraq bunu ratifikasiya etməyə tələsməyiblər. Bu sənədin gözlənilmədən RF Dumasında təcili ratifikasiyası o deməkdir ki, Dağlıq Qarabağ və ona bitişik rayonlar yerli Qarabağ terrorçularını dəstəkləyən rus-erməni ordusu tərəfindən işğal edilib", - REAL Hərəkatının liderlərindən biri Natiq Cəfərli belə hesab edir.
"Moskva və Bakı arasında ciddi gərginlik müşahidə olunur. Görünür, prezidentlər İlham Əliyev və Vladimir Putinin Soçi görüşündə razılığa gəlinməyib. Bu görüşdən dərhal sonra Rusiya Bakı-Supsa neft kəmərinin bir hissəsini oz ordusunun nəzarətinə götürdü. Kreml mediası Azərbaycana hücuma keçib. Bizim kənd təsərrüfatı məhsulları Rusiya bazarlarına çıxa bilmir.
Biz Azərbaycan hökumətini üç istiqamətdə dəstəkləyə bilərik: Qarabağın və ona bitişik ərazilərin azad edilməsi üzrə addımlar; Qərb institutları ilə inteqrasiya və əlaqələrin genişləndirilməsi, dünyəvi dövlətin möhkəmləndirilməsi. Bundan ötrü hökumət öz məsuliyyətini başa düşməli, tamahkar məqsədlər güdməməli, korrupsiyadan imtina etməli, daxili milli barış, gələcəkdə yeni demokratik parlamentin və koalisiya hökumətinin formalaşması üzrə addımlar atmalıdır. Azərbaycanın yeganə xilas yolu bundadır", - REAL öz şərtlərini orta qoyub.
Politoloq Elxan Şahinoğlu də prezidentlərin Soçi görüşünün yekunlarını müzakirə edir və Qarabağla bağlı vahid mövqenin olmadığı qənaətinə gəlir. Azərbaycan-Ermənistan cəbhəsində atışma, gərginliyin artması bundan xəbər verir. Ermənistanın xarici işlər naziri ilk dəfə işğaı olunmuş ərazilərə səfər edib və Qarabağa aidiyyatı olmayan Kəlbəcərə gedib. "Bunu Moskva da bilir, ancaq öz münasibətini bildirməyib. Rusiya ordusunun Bakı-Supsa neft kəmərinə yaxınlaşması Azərbaycanın iqtisadi maraqlarına təhlükədir. Nəhayət, birmənalı olaraq Azərbaycana qarşı yönələn Rusiya-Ermənistan hərbi qruplaşması haqqında müqavilə ratifikasiya edilib. Və bütün bunlar Soçi görüşündən sonra baş verib.
Moskva istəyir ki, Azərbaycan Ermənistan və Qırğızıstan kimi itaətkar olsun, Putinin bütün göstərişlərini yerinə yetirsin. Bu, mümkün deyil, çünki Azərbaycanın və Rusiyanın milli maraqları üst-üsə düşmür", - "Atlas" Araşdırmalar Mərkəzinin rəhbəri Elxan Şahinoğlu bildirib.
İyulun 26-da RF prezidenti Vladimir Putin Rusiya Federasiyası və Ermənistan Respublikası arasında birləşmiş qoşun qruplaşmasının (qüvvələrin) yaradılması barədə sazişin ratifikasiyası haqqında federal qanun imzalayıb.
İmzalanmış qanunla 2015-cı il noyabrın 30-da Moskvada imzalanmış Rusiya və Ermənistan arasında
birləşmiş qoşun qruplaşması haqqında saziş ratifikasiya olunur.
Bu sazişlə birləşmiş qruplaşmanın təyinatı, formalaşma qaydaları, tətbiqi və s. müəyyən edilir.
Birgə qoşun qrupunun əsas vəzifəsi Rusiya və Ermənistanın quru sərhədlərinin qorunması, sərhəd regionunda Rusiya və Ermənistana qarşı silahlı hücumların qarşısının alınması, RF və Ermənistanın hava-kosmik məkanında dövlət sərhəddinin qorunması, həmçinin hava hücumundan müdafiədə, RF və Ermənistanın regionda yerləşən mühüm obyektlərinin qorunmasında iştirakdır. 0-
Rəy yaz