Birinci Qarabağ Müharibəsinin iştirakçısının bir çıxış yolu qalıb - Strasburqa şikayət etmək

  Turan Agentliyinə Naxçıvan sakini, Birinci Qarabağ müharibəsinin iştirakçısı, hərəkət etmək imkanından məhrum olan Vaqif Aftandil oğlu Ələkbərovdan məktub daxil olub. O, müharibədə iştirakını təsdiq edən sənədləri itirən Müdafiə Nazirliyindən şikayət edir.

 

1992-ci ildə Xocalı faciəsindən sonra o, hərbi komissarlıqdan göndəriş alaraq, könüllü olaraq cəbhəyə gedib. 1992-ci ilin iyununda Goranboy rayonunun Qaraçınar, Manas, Xarxaput, Ağcakənd kəndləri, Agdərənin Gülüstan, Qaxtut, Drmbon, Talış və Suqovuşan kəndləri uğrunda döyüşlərdə iştirak edib.

Sonuncu döyüşdə yanında partlayan mərmi onu ağır yaralayıb və o, görmə qabiliyyətini itirib. Sonradan bir gözünü bərpa etmək mümkün olub, digərini isə yox. Aldığı xəsarət Vaqifi son nəticədə Z.Əliyeva adına göz klinikasına aparıb çıxarıb. Orada o, hərbi hissəsinin buraxıldığını, lakin onun döyüş yolunun hərbi biletdə qeyd edildiyini öyrənib.

  1994-cü ildə atəşkəs sazişi bağlandıqdan sonra Ələkbərov Müharibə Veteranları Birliyinə qəbul edilib və dövlətdən ona düşən imtiyazları və müavinəti alıb. Lakin sonradan onun vəsiqəsi ləğv edilib və veteranlara Müdafiə Nazirliyinin vahid vəsiqələri verilib. Beləliklə, Vaqif Ələkbərov sadəcə əlilə çevrilib.

  İl yarım sonra ona ağır xəstəlik - dağınıq skleroz diaqnozu qoyulub, xəstəliyin müalicəsi mükün deyidi və onun vəziyyəti durmadan pisləşirdi. 20 ildir o, yataqdan qalxmır, daim digər insanların yardımına ehtiyac duyur. Bütün bu müddət ərzində Müdafiə Nazirliyi ona müharibə veteranı statusu verməkdən imtina edir. Çoxsaylı ərizələrinə cavab olaraq ona eyni məzmunlu mətnlərlə cavab verirlər, batalyon komandirinin arxivi yandırdığı bildirilir. Ona üç ay müharibədə iştirak etməsinin dəlili olduğunu yazırlar. Döyüşən orduda qalan xidmət dövrü haqqında MN-in Arxiv İdarəsində məlumat yoxdur.

  Ələkbərov məhkəməyə müraciət edib, birinci instansiya məhkəməsində qazanıb, lakin MN apellyasiya şikayəti verib və veteran yenidən əliboş qalıb. Ali Məhkəməyə verilən ərizə də nəticəsiz qalıb.

  Vaqifin ölkə prezidentinə və vitse-prezidentinə dəfələrlə müraciət etməsi heç bir nəticə verməyib. Ələkbərovun məktubları ona müharibə iştirakçısı statusu əldə etmək hüququndan imtina edənlərə qarşı yönəlib. 

  Vəsiqənin olmaması onu hərbi əlillərə düşən müavinət və imtiyazlardan, o cümlədən müalicədən məhrum edir.

   V.Ələkbərov bütün mümkün instansiyaları keçdikdən sonra kömək üçün Turan agentliyinə müraciət edib.

Əmək və Əhalinin Sosial Müdafiəsi Nazirliyindən Turan-ın sorğusuna cavabda bildiriblər ki, Ələkbərovun şikayətlərinin bu idarə ilə əlaqəsi yoxdur.

   Yerli məhkəmələrin və Müdafiə Nazirliyinin veterana rədd cavabı verdiklərini nəzərə alaraq, onun son ümidi Strasburq İnsan Hüquqları Məhkəməsinə müraciət etməyə qalır. 0

Rəy yaz

Söz istəyirəm

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti