![Azərbaycanın Aİ ilə aviasiya sazişinin baş tutmamasının səbəbləri](https://turan.az/resized/media/2017/main/112900005944-750-500-resize.webp)
Azərbaycanın Aİ ilə aviasiya sazişinin baş tutmamasının səbəbləri
Bakı / 29.11.17 / Turan: Noyabrın 24-də Brüsseldə "Şərq Tərəfdaşlığı" sammiti zamanı xarici işlər nazirinin müavini Mahmud Məmmədquliyevin Avropa Birliyi ilə aviasiya sazişi imzalayacağı anons edilsə də, bu, baş tutmayıb.
"Şərq Tərəfdaşlığı" ölkələrindən yalnız Azərbaycan və Belarus belə saziş imzalamayıb. Qafqaz ölkələrindən Gürcüstan aviasiya sazişini 2010-ci ildə, Ermənistan Brussels sammiti zamanı imzalayıb,
Qeyd etmək lazımdır ki, bu saziş "Şərq Tərəfdaşlığı" ölkələri üçün bir standartdır. Məsələn, Gürcüstan ilə Vahid Aviasiya Məkanı haqqında müqavilə uçuşların təhlükəsizliyi və aviasiya təhlükəsizliyi sahəsində qaydalar əsasında iki il ərzində ümumi aviasiya məkanının hazırlanmasını nəzərdə tutur.
Gürcüstan öz qanunvericiliyini Avropa standartlarına və təhlükəsizlik, ətraf mühit, istehlakçıların hüquqlarının müdafiəsi, hava hərəkətinin idarə edilməsi, iqtisadi tənzimlənməsi kimi sahələrdə Aİ aviasiya qaydalarına uyğunlaşdırmalı olacaq.
Müqaviləyə əsasən, Aİ-nin bütün aviaşirkətləri Gürcüstanın hava daşıyıcıları kimi Aİ-nin istənilən nöqtəsindən Gürcüstana birbaşa uçuşlar həyata keçirə biləcək. Müqavilə Gürcüstan və Avropa İttifaqı arasında həftəlik uçuşların sayı və qiymətləri üzrə bütün məhdudiyyətləri aradan qaldırır.
Başqa sözlə, ölkənin aviasiya bazarı Aİ şirkətlərə açıqdır və AZAL-ın inhisarçı xarakteri nəzərə alınanda sazişin imzalanmaması təəccüb doğurmur.
Birincisi, Aİ milli daşıyıcının inhisarçılığı ilə razılaşa bilməz. Gürcüstan və Ermənistanla müqavilələrdə olduğu kimi, açıq hava məkanı haqqında razılaşmaq lazım gəlirdi.
Digər tərəfdən, Aİ-nin anti-protectionist siyasəti nəzərə alanarsa, Brüssel AZAL-a hökumətin subsidiyalarının davam etməsi ilə razılaşa bilməz. Qeyd edək ki, dövlət büdcəsindən AZAL-a birbaşa subsidiyalar ildə 10 mln manatdır.
Bundan əlavə, Aİ hava limanı və aviadaşıyıcının bir əldə cəmlənməsinə qarşıdır. Turan dəfələrlə yazıb ki, hava limanı aviadaşıyıcıdan ayrılmalı, hava limanının rəhbəri AZAL prezidenti Cahangir Əsgərovdan asılı adam olmamalıdır. (http://www.turan.az/ext/news/2017/-/free/markets/ru/118339.htm ).
Avropa İttifaqı ilə danışıqları hökumətin adından XİN aparır. AZAL-ın hökumətə təzyiq imkanlarını nəzərə alsaq, sazişin niyə imzalanmadığını anlamaq olar.
AZAL hava məkanına Avropa şirkətlərinin, xüsusilə loukosterlərin buraxılmasına qarşıdır. Çünki bundan sonra qiymət siyasətində güzəştə yol verməlidir.
Nəticədə AZAL və onun güclü lideri qazandı. Uduzan isə Azərbaycan vətəndaşlarıdır.
Azərbaycan Xarici İşlər Nazirliyi mətbuat xidmətinin rəhbəri Hikmət Hacıyev Turan-a müsahibəsində deyib ki, saziş üzrə danışıqlar davam etdirilir
. "Tərəflər arasında konstruktiv danışıqlar davam edir. Sammitin yekun sənədində bu razılığa istinad da var idi", deyə Hacıyev bildirib. -71D-
-
- İqtisadiyyat
- 29 Noyabr 2017 13:14
-
- Siyasət
- 29 Noyabr 2017 13:36
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz