![CİVİCUS, CRD və ASCMK-nin İlham Əliyevə çağırışı](https://turan.az/resized/media/2014/main/013000067426-750-500-resize.webp)
CİVİCUS, CRD və ASCMK-nin İlham Əliyevə çağırışı
Ümumdünya Vətəndaş İştirakı Hərəkatı (CİVİCUS), “Sivil hüquqların müdafiəçiləri” təşkilatı (CRD) və 42 QHT-nin koalisiyası olan Azərbaycan Sivil Cəmiyyətini Müdafiə Komitəsi (ASCMK) Azərbaycan prezidenti İlham Əliyevə ölkə parlamentinin ötən il dekabrın 17-də qanunvericiliyə qəbul etdiyi ictimai birliklərin işi ilə bağlı düzəlişlərlə əlaqədar müraciət göndəriblər.
CİVİCUS-un Milli və Beynəlxalq Araşdırmalar Mərkəzindən Turan agentliyinə daxil olmuş bəyanatında deyilir ki, düzəlişlər Prezident Administrasiyasına təqdim edilib və istənilən an təsdiq edilə bilər.
Düzəlişlərə əsasən, QHT-lərdən faktiki olaraq üç ayda bir yenidən Ədliyyə Nazirliyində qeydiyyatdan keçmək tələb olunacaq. Təklif edilən yeniliklər QHT-lər üzərində dövlət nəzarətini və bürokratik əngəlləri gücləndirmək məqsədi daşıyır.
QHT-lər tələb olunan məlumatı təqdim etməsələr və ya yanlış məlumat versələr, həmin QHT-lərə tətbiq edilən cərimələrin miqdarı artırılaraq 2500-3000 AZN (3190-3830 ABŞ Dolları), və QHT-nin rəhbərliyi isə 1000-2000 AZN (1280-2560 ABŞ Dolları) məbləğində cərimə olunacaq.
Vətəndaş cəmiyyəti qrupları həddindən artıq narahatdır ki, yeni dəyişikliklər Azərbaycan hakimiyyətinin fəaliyyətinə qarşı çıxan təşkilatların ədalətsiz şəkildə cərimələnməsinə, onların qeydiyyata alınmamasına və bağlanmasına rəvac verəcək.
Müraciətdə həmçinin xatırladılır ki, 2009-cu ildə qəbul edilmiş düzəlişlər əsasında Azərbaycan hökuməti ədalətsiz olaraq 2011-ci ilin mart ayında İnsan Hüquqları Fondunun Azərbaycandakı nümayəndəliyi olan Azərbaycan İnsan Hüquqları Evinin fəaliyyətini dayandırıb.
Bundan başqa, əsassız olaraq və dəfələrlə yerli QHT-lərin – İnsan Hüquqları Klubunun və Seçkilərin Monitorinqi və Demokratiyanın Tədrisi Mərkəzinin qeydiyyatından imtina olunub.
Bundan başqa, 2013-cü ilin mart ayında Azərbaycan qanunvericiliyinə QHT-lərin beynəlxalq donorlardan yardım almasını məhdudlarşdıran düzəlişlər edilib.
Müraciət müəllifləri Azərbaycan hakimiyyətini QHT-lər haqqında qanunvericiliyə son illərdə edilmiş məhdudlaşdırıcı düzəlişləri ləğv etməyə çağırırlar.
Onlar həmçinin prezidenti QHT-lər haqqında qanunvericiliyə 17 dekabr 2013-cü ildə qəbul edilmiş dəyişiklikləri və əlavələri imzalamamağa çağırırlar.
Azərbaycan Sivil Cəmiyyətinin Müdafiə Komitəsi 2009 ildə yaradılıb və 2013 ilin sonunda sivil cəmiyyəti üçün daha əlverişli şərait yaradılması məqsədilə bərpa olunub.
CVICUS 1993-cü ildə təsis edilib və dünyada, xüsusilə də iştiraklı demokratiyanın və vətəndaşların birləşmə azadlıqlarının pozulduğu ölkələrdə vətəndaş cəmiyyətinin və vətəndaş fəaliyyətinin gücləndirilməsinə yardım göstərir.
Sivil Hüquqların Müdafiəçiləri təşkilatı 1982 ildə İsveçdə yaradılıb. Müstəqil beynəlxalq ekspert təşkilatıdır, hansı ki sivil və siyasi hüquqlarını dünya miqyasında müdafiə edir və riskli şəraitdə çalışan hüquq müdafiəçilərə dəstək verir. -0-
-
- Söz istəyirəm
- 30 Yanvar 2014 17:53
-
- Cəmiyyət
- 31 Yanvar 2014 11:30
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz