Açiq mənbələrdən foto.

Açiq mənbələrdən foto.

Ölkədə seroloji testlərin keçirilməsinə başlanılması, dövlətə təhlükə ehtimalı, Avropa məhkəməsi qərarlarının icra vəziyyəti və s. məsələlər medianın aparıcı mövzuları sırasındadır.

“Azərbaycan” qəzeti  “Pandemiya ilə mübarizə strategiyasının vacib parçası” sərlövhəli məqalədə seroloji testlərin keçirilməsi barədə danışılır.

Müəllif deyir ki, növbəti həftədən Azərbaycanda seroloji testlərin keçirilməsinə başlanılır və COVID-19 pandemiyası ilə mübarizədə ən vacib şərtlərdən biri müayinələrin aparılması və xəstəlik hallarının vaxtında müəyyən olunmasıdır.

Müəllif hesab edir ki, buna görə testlərin keçirilməsinə xüsusi diqqət yetirilməsi olduqca vacibdir və Azərbaycanda 31 belə laboratoriya var.

Yazı müəllifi əlavə edir ki, növbəti həftədən seroloji testlərin keçirilməsinə başlanılacaq: “Seroloji testlərin keçirilməsi pandemiya ilə mübarizə strategiyasının vacib bir parçası olduğundan Azərbaycan hökuməti tərəfindən bu istiqamətdə mühüm addımlar atılır. Testlərin aparılmasında əsas məqsəd əhali arasında COVID-19 xəstəliyinin keçirilməsi haqda təsəvvürlərin əldə olunması, xəstəliyi keçirmiş şəxslərdə yaranmış immunitet səviyyəsinin öyrənilməsidir”.

Müəllifin deməsinə görə, Azərbaycanda seroloji testlərin həyata keçirilməsi üçün fəaliyyət planı hazırlanıb, testlər təsadüfi seçilmiş əhali qrupları arasında könüllülük prinsipi ilə aparılacaq, bu testlər vasitəsilə həmin şəxslərdə xəstəliyə qarşı immunitet formalaşıb- formalaşmaması müəyyən olunacaq.

Bakıda 1500-ə yaxın şəxs tədqiqata cəlb olunacaq, analizlər tam təmənnasız götürüləcək, laboratoriyalara göndəriləcək. Nəticə əldə edildikdən sonra maksimum 2-3 gün ərzində vətəndaşlara məlumat veriləcək.

“Moderator.az” saytı Azərbaycanda pulu çox olan bəziləri dövlətimizə təhlükədir”  sərlövhəli məqalədə müəllif belə insanların mövcudluğu və törədə biləcəkləri təhlükələr barədə deputat Vahid Əhmədovla söhbətləşir.

V.Əhmədov hesab edir ki, belələri həmişə dövlətə təhlükədir, dünya təcrübəsində də hakimiyyətə gələnlər pullu insanlardır. Amma deputat şübhə etmir ki, ölkənin təhlükəsizlik qüvvələri elə insanları nəzarətdə saxlayır: “Onlar kimlərlə görüşür, hansı dövlətlərlə əlaqəlidirlər və s. Dövlət başçısı “beşinci kolon” deyəndə həm də onları nəzərdə tutur”.

Deputat əlavə edir ki, belələri özlərini cəmiyyətə göstərmir, gəncləri ön səhnəyə çıxarır və  milli müstəqilliyin əleyhinə olan belə insanlar kifayət qədər varlanıblar.

“Onlar indi də müstəqilliyimizə qarşıdırlar. Çox arzusundadırlar ki, SSRi bərpa olunsun. İndi hətta 2024-cü ildə guya SSR-in bərpa olunacağı barədə də yanlış informasiyalar dövriyyəyə buraxılır. Bunların hamısı boş xülyalardır”.

V.Əhmədov vurğulayır ki, Azərbaycanın dövlət müstəqlilliyi bütün ölkələrlə münasibətlərdə qorunmalıdır  və Rusiyanın adını çəkir.

V.Əhmədov Qarabağ problemilə bağlı “açar”ın Rusiyanın əlində olması tezisini qəbul etmir və bu “açar”ın Azərbayan xalqının əlində olduğunu, bu məsələdə iqtidar-müxalifət mövqeyi yoxdur, bütün xalq eyni fikir və düşüncədədir.

Deputat deyir ki, bu məsələdə müəyyən qüvvələrin birliyə qarşı çıxması bəzən insanları narahat edir, belələri həmişə olacaq, onu bir gündə ləğv etmək mümkün deyil.

“Arqument.az”da isə “Azərbaycanın Avropa məhkəməsinin qərarlarını icra etmə səviyyəsi müzakirə ediləcək” sərlövhəli məqalədə bu barədə söhbət gedir.

Müəllifin deməsinə görə, Avropa Şurası Nazirlər Komitəsinin 1-3 sentyabr tarixli iclasında Azərbaycan hökumətinin Avropa İnsan Hüquqları Məhkəməsinin (AİHM) qərarlarını icrasının hansı səviyyədə olması müzakirə ediləcək.

Vəkil Elçin Sadıqov deyir ki, bu məsələ bu ilin fevralında Avropa məhkəməsinin Bayram Məmmədov və Qiyas İbrahimov haqqında qərarını Azərbaycan tərəfin hələ də yerinə yetirməməsilə bağlıdır.

E.Sadıqov deyir ki, qərar iyul ayında qüvvəyə minib, amma Azərbaycan hökuməti icra ilə bağlı heç bir addım atmayıb: “Kompensasiyalar ödənilməyib. Qiyas İbrahimov və Bayram Məmmədovun barəsindəki qanunsuz hökmlər ləğv edilməyib. Qiyas İbrahimova və Bayram Məmmədova polislər tərəfindən işgəncə verilməsi AİHM tərəfindən müəyyən edilsə də qərarda adı çəkilən polis əməkdaşları barəsində araşdırma başlanılmayıb”.

E.Sadıqov deyir ki, AİHM qərarda müəyyən edib ki, ərizəçilər narkotik vasitənin alışı, satışı gəzdirilməsi ilə məşğul olmayıblar.

Vəkil Əsabəli Mustafayev isə deyir ki, onun Avropa məhkəmsinə göndərdiyi göndərdiyi şikayətlərdən icra olunmalı 150 qərar var.

"Çoxunun kompensasiyaları ödənilsə də insanların hüquqi reablitasiyası olmayıb, odur ki, qərarların tam icra olunduğunu deyə bilmərəm. Hətta elə işlər var ki, 2007-ci ildə qərar qəbul edilib, amma kompensasiyalar ödənilmir, yaxud qismən ödənir. Bu, siyasi fəaliyyətlə bağlıdır.             Konkret olaraq, AXCP üzvləri Fuad Qəhrəmanlı, İlham Hüseynin şikayətləri haqqında qərarlar var, amma kompensasiyalar ödənilməyib”.

Vəkilin deməsinə görə, sonuncu dəfə Ali Məhkəmə İnsan Haqları Konvensiyasının 18-ci maddəsi ilə bağlı işlərə baxıb, ReAL Partiyasinin sədri İlqar Məmmədov və üzvü Rəsul Cəfərova bəraət verdilər, amma bəzilərinə hələ də baxılmayıb.

 

Rəy yaz

Cəmiyyət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti