Ayrı-ayrı ixtisaslar üzrə dövlət sifarişi ilə ali təhsil müəssisələrinin bakalavriat və əsas (baza ali) tibb təhsili səviyyəsində hər bir təhsil alana düşən təhsil xərclərinin miqdarına dəyişiklik edilib. Bu barədə Nazirlər Kabinetinin 4 oktyabr tarixli qərarında deyilir. Qərara əsasən, bakalavriat səviyyəsində fizika, biologiya, kimya, kimya və biologiya müəllimliyi ixtisasları üzrə təhsil alanlara düşən təhsil xərci 1320 manatdan 1850 manata qaldırılıb.
Azərbaycan dili və ədəbiyyatı, dil və ədəbiyyat (dillər üzrə), xarici dil (dillər üzrə), riyaziyyat və informatika, riyaziyyat, fiziki tərbiyə və çağırışaqədərki hazırlıq (qızlar üçün fiziki tərbiyə), texnologiya, musiqi, tarix, tarix və coğrafiya, coğrafiya, informatika, təsviri incəsənət, ibtidai sinif, korreksiyaedici, məktəbəqədər təlim və tərbiyə, təhsildə sosial-psixoloji xidmət və rəqs müəllimliyi ixtisasları üzrə hər bir təhsil alana düşən təhsil xərci 23 faizə qədər artırılaraq 1320 manatdan 1710 manata qaldırılıb.
Filologiya (dil və ədəbiyyat göstərilməklə), fəlsəfə, tərcümə (dillər üzrə), jurnalistika və kitabşünaslıq ixtisasları üzrə hər bir təhsil alana düşən təhsil xərci də 23 faizə qədər artırılaraq 1620 manatdan 2100 manata çatdırılıb.
Müalicə işi və hərbi həkim işi üzrə təhsil alana düşən xərc 5400 manat, tibbi profilaktika, əczaçılıq, stomatologiya fakültələrində təhsil alanlara düşən xərc isə 4800 manat səviyyəsində müəyyənləşdirilib.
Təhsil məsələlər üzrə ekspert Kamran Əsədov bildirir ki, təhsil xərclərinin artması heç də gələcəkdə təhsil haqqının artması demək deyil. Ekspertin sözlərinə görə, ilk dəfədir ki, Nazirlər Kabineti hər universitet tələbəsi üçün lazım olan xərclərin miqdarını açıqlayır. "Həmin rəqəmlər bir tələbənin təhsil alması üçün il ərzində tələb olunan qiymətdir. Bura müəllimlərin əməkhaqqı (saat üzrə), laboratoriya və s. xərclər daxildir. K.Əsədov hesab edir ki, real xərclərin məbləğinin açıqlanması növbəti ildən etibarən bir çox ixtisaslar üzrə qiymətlərin endirilməsi ilə müşahidə olunacaq. "Dövlət bir nəfər üçün xərcini 1300-1500 manat civarında müəyyənləşdiribsə, universitet qiymətləri bu rəqəmdən maksimum 200 manat qaldıra bilər. Amma bu gün bir çox universitetlərdə təhsil haqlarının qiyməti 2800-2900 manatdır. Burada bir məsələni də nəzərə almaq lazımdır ki, universitetə planlaşdırılandan az tələbə qəbul olubsa, ali təhsil ocağı qiymətləri bir az qaldırmaqa məcburdur ki, zərərə düşməsin. Lakin bu yenə də indiki qiymətlər qədər olmamalıdır. Bir sözlə, Nazirlər Kabineti real xərcləri açıqlayandan sonra xərclərin çox olması səbəbindən Tibb Universitetindən xaric, digər universitetlər qiymətləri endirməyə məcbur olacaq".
2018/2019-cu tədris ili üçün fizika ixtisası üzrə təhsil haqqı 1800 manat, biologiya ixtisası üzrə 2100, kimya ixtisası üzrə 1900, kimya və biologiya müəllimliyi ixtisasları üzrə müvafiq olaraq 1800 və 2000 manat olsa da həmin ixtisaslar üzrə hər təhsil alanın xərci 1320 manat idi. Bu ildən etibarən təhsil xərci 1850 manata qaldırılıb.--0--
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz