Açiq mənbələrdən foto.
Bakı/12.03.21/Turan: Rabitə sahəsi haqda bir neçə elmi və publisistik kitabın müəllifi Əbdül Qəhrəmanzadə yeni ildən texniki elmlər namizədi diplomuna görə pensiyaya 120 manat məbləğində əlavəni almır.
"Prezidentin fərmanı oldu ki, bu əlavələr prezident təqaüdü kimi ödəniləcək. Əgər əvvəllər dərəcələr üzrə namizədlər 100 manat, doktorlar 120 manat, akademiklər 190 manat alırdısa, prezidentin fərmanına əsasən bundan sonra akademiklər və elmlər doktorları 200 manat, elmlər namizədi 120 manat alacaq.
Mən bu əlavəni 10 ildən artıqdır alırdım, indi onu pensiyadan çıxarıblar. 2021-ci ilin yanvarından qüvvəyə minməli olan prezident fərmanı üç aydır yerinə yetirilmir", - Əbdül Qəhrəmanzadə Turan agentliyinə bildirib.
Əmək və Əhalinin Sosial Müdafiəsi Nazirliyinə müraciət edərək öyrəndik ki, 30 dekabr 2020-ci ildə elmi dərəcəyə görə pensiyaya əlavələrin ləğvi ilə bağlı hökumət qərar qəbul edib. Əlavələrin əvəzinə elmi dərəcəsi olan pensiyaçılar üçün prezident təqaüdü təsis edilib və bu şərtlə ki, onlar 25 ildən az olmayaraq öz peşələri üzrə işləsinlər.
Ödənişlərin həcmi dəyişdirilib: 2021-ci ilin əvvəlindən elmlər namizədi alimlik dərəcəsinə görə pensiyaya 120 manat, elmlər doktorları və akademiklər üçün 200 manat məbləğində prezident təqaüdü verilir. Prezident təqaüdləri 2021-ci ilin yanvarından ödənilməlidir.
Məlum olur ki, pensiyada olan alimlərin hamısı prezident təqaüdünü almayıblar.
Əmək və Əhalinin Sosial Müdafiəsi Nazirliyinin 142 saylı informasiya xidmətində Turan-a bildiriblər ki, alim-pensiyaçılara ayrılan prezident təqaüdlərini ödəmək üçün maliyyə köçürülməsi vaxtında həyata keçirilir. Uçot sənədlərinin olmaması və ya onlarda yanlış məlumatın olmaması ilə əlaqədar fərdi olaraq ödəniş olmaması mümkündür. Hər bir halda təqaüdçülər problemin həlli üçün Dost mərkəzlərinə getməli və onlara prezident təqaüdü almaq hüququ verən sənədləri təqdim etməlidirlər. –0—
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz