Turizm sektorunda böyük dəyişikliklər olacaq

2018-ci ilin 10 ayında Azərbaycana ümumi turizm axını 6,1% artıb, turistlərin sayı 2,277-dən 2,416 milyona çatıb, Dövlət Turizm Agentliyi bildirib. Yanvar-oktyabr aylarında Azərbaycana Yaxın Şərq ölkələrindən 330 min vətəndaş gəlib ki, bu da ötən ilin analoji dövrü ilə müqayisədə 42% çoxdur. Onların əksəriyyəti Səudiyyə Ərəbistanı, İsrail və Küveytdən gəlib. Birinci yeri isə Rusiya vətəndaşları tutub - 752 min nəfər (31%). Bu, ötən ildə olduğundan 3,3% çoxdur. Hindistan və Pakistandan da turist axını 183% və 149% artıb.

Müqayisə üçün: 2018-ci ilin on ayında Gürcüstana 7,5 milyondan çox turist gəlib (artım +11%). Turist vizalarının sayı (ayrıca statistik kateqoriya) on ayda 4,1 milyondan çox olub (artım +17,5%).

Azərbaycanın turizm sektoruna gürcü həmkarlarına "çatmağa və ötməyə" nə mane olur? Turan narazı turistlərdən məlumat alır: Bakıda taksi sürücüləri qonaqları aldadır, bunda "London taksi"lərinin sürücüləri xüsusilə fərqlənir, rusiyalı turistlər həvəskar çəkiliş videofilmlərdə bildirirlər.

Xarici vətəndaş Mais Abdullayev İnternet vasitəsilə online Azərbaycana giriş vizası almaq imkanlarından istifadə edib. Əvvəlcə elektron sistem xidmətə görə 23 dollar ödənilməsinin vacibliyini bildirib, M.Abdullayev pulu köçürdükdən sonra isə onun hesabından 24 dolların (fotoya bax) silinməsi barədə bildiriş alıb. 1 manat aldanıb, bəlkə də bu məbləği bank xidmətinə görə ödəyib, ancaq əlavə vəsait barədə izahat olmadığından turistdə xoşagəlməz təəssürat yaranıb.

Turan Dövlət Turizm Agentliyinin mətbuat və ictimaiyyətlə əlaqələrə məsul şəxsi Kənan Quluzadədən Azərbaycanda turbiznesin geri qalmasının səbəblərini öyrənib. O, Azərbaycan turizminin göstəricilərinin Gürcüstan turizmi ilə müqayisə edilməsi ilə razı deyil. Belə ki, Gürcüstanda turizmin inkişafına bizdən tez başlanılıb. Azərbaycanda iqtisadiyyatın bu sahəsinin inkişafı üzrə yol xəritəsi 2016-cı ildə qəbul edilib, cəmi iki il öncə, nailiyyətlər isə təəssürat oyadır.

Turizmin inkişafı üzrə yol xəritəsinə görə, 2020-ci ildə Azərbaycanda turislərin sayının 4 mln.-a, 2023-24-cü illərdə isə 6 mln.-a çatdırılması planlaşdırılır. Azərbaycanda turizm neft-qaz sektorundan sonra iqtisadiyyatın ikinci gəlir sahəsi olmalıdır.

Azərbaycan kütləvi türistin qəbuluna çoxdan hazırlaşıb, müasir otellər, yollar və digər infrastruktur olmadan turbiznes açmaq istəməyib. 2016-cı ilədək Azərbaycanda turistlərin qəbulu üçün əsas şərait yaradılıb: ixtisaslı kadrlar hazırlayan Turizm İnstitutu yaradılıb, Bakının və digər şəhərlərin mərkəzi hissəsinin xarici görünüşü yaxşılaşdırılıb, otellər inşa edilib, siyasi qərarlar qəbul edilib, struktur islahatları aparılıb. Bu il Dövlət Turizm Agentliyi yaradılıb, quruma avstriyalı mütəxəssis Florian Zenqstşmid rəhbərlik edir.

Turizm sektorunun inkişafı davam edir, K.Quluzadə bildirib. Sahədə böyük dəyişikliklər gözlənilir. Azərbaycanın beynəlxalq turizm brendi təsdiqlənib, Turizm İnstitutu Turizm Agentliyinin tabeliyinə verilib. Qarşıda Azərbaycan otellərinin ixtisaslı kadrlarla təmin olunması məsələsi durur, bu problem aktual olaraq qalır. Yaxşı bələdçilər çatışmır.

"Hələlik biz Çindən artan turist axınını turizm xidmətləri ilə təmin etməyə hazır deyilir. Əcnəbi mütəxəssisləri dəvət edirik. Əsasən avstriyalı professor Piter Xarkli turizm sektorunda statistik təhlil üçün islahatların aparılmasına yardım edir. O, Azərbaycana gələn turistlərin ətraflı təsnifatını öyrənir: bu insanlar kimlərdir, hansı yaşdadır, onların tələbi nədir, maliyyə imkanları necədir və s.

Xaricdən ölkəyə səfərə gələnlərlə xarici turistləri ayırmaq lazımdır. Çünki məlumdur ki, qohumlarının yanına və evlərinə gələn Gürcüstan və Rusiya vətəndaşları xarici turistlər sayıla bilməz. Turistlərin Azərbaycana çatdırılması üçün nəqliyyat imkanlarını yaxşılaşdırmaq lazımdır. Adamlar birbaşa reyslərə üstünlük verirlər, ölkəmiz isə ənənəvi turizm marşrutlarından ayrıdır. Dövlət Turizm Agentliyi və AZAL (bu yaxınlarda Bakı və Küveytin paytaxtı arasında yeni birbaşa reys açılıb) arasında əməkdaşlıq haqqında memorandum imzalanıb. Turistlər üçün cəlbedici olan qoruqlarda müvafiq işlər aparılır. Dövlət Turizm Agentliyi əcnəbilərin ölkəyə cəlb edilməsi üçün 10 ölkədə nümayəndəlik açacaq, K.Quluzadə bildirib.

Azərbaycan vətəndaşları da xarici turizmin inkişafı mövzusundan kənarda qalmır. Kimsəsiz uşaqlara yardımın təşkilatçısı Nigar Bayramlı bu sektorun inkişafı üçün ideyaları sosial şəbəkələrdə müzakirə edərək yeni məqsədli turizm marşrutlarının yaradılmasını təklif edir.

"Ölkədə turizm agentliklərinin sayı çoxdur. Belə təəssürat yaranır ki, sanki bütün ölkə səyahət edir, o qədər turizm şirkəti var ki. Ancaq hamısının tematikası, turları eynidir: Quba-Qəbələ, Şəki-İsmayıllı. Ekoturlarda əyləncəli proqramlar yoxdur. Əqli oyunlar daxil edin, əlavə məbləğə istənilən mövzuda treninqlər keçirə bilən adamları çağırın, rəqs etməyi öyrədin, istənilən hər şeyi etmək olar, təkcə yemək və foto çəkdirməklə kifayətlənməyin. Üzərinə rayonların adları yazılmış maykalar hazırlayın, ancaq çox baha qiymətə olmasın. Məsələn, mən "I love Kurdemir" yazılmış maykanı fəxrlə geyinərəm. Qoy, hamı soruşsun ki, Kürdəmir haradır?", -N.Bayramlı ideyalarını bölüşür.