![Alpinistlərin axtarışı üçün peşəkar xilasedicilər dəvət etmək çağırışı eşidilmədi](https://turan.az/resized/media/2018/main/010400006594-750-500-resize.webp)
Alpinistlərin axtarışı üçün peşəkar xilasedicilər dəvət etmək çağırışı eşidilmədi
Bakı/04.12.18/Turan: Müvafiq dövlət qurumları Azərbaycanın Quba rayonunda Tfan dağının yamacında itkin düşmüş üç alpinistin axtarışı üçün Rusiyadan dağ xilasedicilərinin dəvət edilməsi təklifinə hələ də reaksiya verilməyib.
Xatırladaq ki, Namin Bünyatov, Fəridə Cəfərzadə və Hüseynov Babur dekabrın 23-də Tfan dağını (4195 m) fəth etmək məqsədilə Xınalıq kəndindən yola çıxıblar. Bundan sonra onlarla əlaqə kəsilib, amma məsul şəxslər yalnız 3 gün sonra üç nəfərin itkin düşdüyünü bildirib.
Alpinistlərin axtarışı dekabrın 27-də başlayıb, amma hələ də nəticə verməyib.
"Relyefdən göründüyü qədər, Tfan dağının yamacından iki qar uçqunu olub. Onlardan biri dekabrın sonlarında baş verib. Çox güman ki, alpinistlər məhz onun altında qalıb. Tfanın kuluarında üçlüyün izləri görülüb, izlərdən birinin ölçüsü kiçik idi, bu, həmin izlərin qıza aid olduğu qənaətinə gəlməyə imkan verir", deyə xilasetmə işlərinin iştirakçılarından biri Turan-a bildirib.
Mənbənin məlumatına görə, qar uçqununun düşdüyü yerin bünövrəsində qar örtüyünün yüksəkliyi 5 metrdən çoxdur və son ana qədər itkin düşənlərin axtarışı məhz orada aparılıb.
Təcrübəli alpinistlər hesab edirlər ki, itkin düşənləri sağ tapmağa, demək olar ki, ümid azdır.
Eyni zamanda, müvafiq dövlət qurumları hələ də çoxsaylı sualları cavablandırmayıb: qışın ortasında etibarlı rabitə olmadan, alpinizm qanunlarının tələblərinə uyğun olaraq əvvəlcədən xilasetmə dəstəsini təmin etmədən alpinistləri dağa kim buraxıb?
Bunun əvəzinə ictimaiyyət Ekologiya Nazirliyinin təqsiri FHN-in, bu qurumun isə Ekologiya Nazirliyinin üstünə atmağa çalışdığını müşahidə edir.
İtkin düşənlərin axtarışında iştirak edən alpinistlərin müşahidələrinə əsasən, çox güman ki, onlar Tfanın mərkəzi kuluarından çıxmağa qərar veriblər, elə orada da qar uçqununa düşüblər.
Amma bu, hələlik fərziyyədir, çünki itənlərin çadırını və ya hansısa əşyalarını tapmaq mümkün olmayıb.
Bu çoxsaylı sualların cavabları təcrübəli alpinistlərin iştirakı ilə xüsusi istintaqa verilməlidir. Cavab tələb edən əsas sual - ölkədə dağadırmanmanın necə kobud pozuntularla həyata keçirildiyi və alpinizmi məhz kimin bu vəziyyətə salması ilə bağlıdır.
Xatırladaq ki, bir neçə il əvvəl ekologiya naziri Hüseynqulu Bağırov Ekstremal İdman Növləri Federasiyası qurdu və ona rəhbərliyi öz üzərinə götürdü. İdman və gənclər naziri Azad Rəhimovun fəal dəstəyi ilə alpinizmi "ələ keçirməyə" başladı.
İnzibati resurslardan və güclü təzyiqdən istifadə ilə o, 50 illik tarixi olan Azərbaycan Alpinizm Federasiyasını dağıtmağa müvəffəq oldu.
Bununla ölkədə bu idman növünün tənəzzülü başladı: idman nailiyyətləri və göstəriciləri xeyli düşdü, alpinizmin yazılı və yazılmamış qaydaları unuduldu, məhv edildi.
Bu gün alpinizmə nə lazımi biliyi, nə təcrübəsi olmayan və hətta heç bir ciddi fəth həyata keçirməyən təsadüfi şəxslər rəhbərlik edir. Hazırki faciə bu fəlakətli siyasətin birbaşa nəticəsidir. -02B-
-
- Maliyyə
- 4 Yanvar 2018 14:30
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz