Müqavilə olmaması xəstənin həyatı bahasına başa gəlməlidirmi?

"Yevlax rayon sakini olan bacim Ülviyyə Sadıqovanın son vaxtlar sağlıq durumunda problem yaranıb və söhbət həyati təhlükədən gedir, bürokratik əngəl isə problemi aradan qaldırmağa imkan vermir". Bunu Turan-a Ü.Sadıqovanın qardaşı Telman Sadıqov bildirib.

Məsələnin mahiyyəti budur ki, Ü.Sadıqovaya 2014-cü ildə qara ciayər trnasplantasiyası edilib, donor öz qardaşı T.Sadıqov olub, əməliyyat Gömrük Komitəsinin hospitalında həaya keçirilib, əməliyyatı isə hospitalın həkimi Mir Cəlal Kazımi edib: "Bir müddət bacımın səhhətində problem omadı. Özünü yaxşı hiss edirdi. Bunu da deyim ki, bu əməliyyata 100 min manat pul xərcləndi və bu pul da xeyriyyəçi insanların yardımı ilə başa gəldi" T.Sadıqov vəziyyəti nəzərə çatdırır.

T.Sadiqov deyir ki, bacısının səhhətində problem 2018-ci ilin noyabrından yaranıb, öd yollarının tutulması baş verir və təcili müdaxilə lazımdır.

İndiyə kimi problemin aradan qaldırıla bilməməsini isə T.Sadıqov belə izah edir: "2018-ci ildən Yevlaxda, Mingəçevirdə və bir sıra başqa yerlərdə İcbari Tibbi Sığorta Agentiyi pilot layihələrin icrasına başladı. Agentlik müəyyən xəstəxanalarla əməkdaşlıq müqaviləsi bağladı. Bu layihəyə daxil olan xəsətəxanaların xəstələri mütləq şəkildə Agentliyin əməkdaşlıq müqaviləsi imzaladığı xəstəxanalarda müalicə ala bilərlər. Bacımın əməliyyat olunduğu Gömrük Komitəsinin Hospitalı ilə isə belə əməkdaşlıq müaviləsi imzalanmayıb. Ona görə də bacımı əməliyyat edən həkim problemə müdaxilə edərək aradan qaldıra bilmir. Çünki, hospitala maliyyə vəsaiti ödənməlidir".

T.Sadıqov bildirib ki, kənar bir xəstəxanada vəziyyətə müdaxilə üçün iri məbləğdə maliyyə vəsaiti tələb olunur ki, ailə bunu qarşılamaq gücündə deyil: "2019-ci ilin yanvarında bacımı göndərişlə müalicə üçün Bakıda Mərkəzi Klinik Xəstəxanaya apardım. Orada da dedilər ki, öd yollarının tutulması baş verir, əməliyyat etmiş həkimin müdaxiləsi lazımdır. Həm də bunu bildirdilər ki, orqan translantasiyası ilə bağlı müalicə tibbi sığortanın baza zərfində nəzərdə tutulmadığı üçün icbari tibbi sığorta bu səxtəliyə tətbiq eidlmir. Biz də bir tərəfdən Agentiyin Gömrük Komitəsi Hospitalı ilə müqaviləsi, digər tərəfdən isə başqa bir xəstəxanada müalicəyə vəsait olmaması, başqa bir tərəfdən bu xəstəliyin icbari tibbi sığortanın baza zərfində yer almaması bacımı düşdüyü ağır durumdan çıxarmağa imkan vermir. Mən başa düşə bilmirəm, bu vəziyyət bacımın həyatı bahasına başa gəlməlidir bizə?. Yevlax, Mingəçevir xəstəxanalarında əvvəl dedilər ki, burada da bacımı müalicə edə bilərlər. İndi isə deyirlər ki, vəziyyətin pisləşməsi guya "hepatit C" virusu üzündən baş verir. Halbuki, Mərkəzi Klinik Xəstəxanada bizə analizlərin nəticəsi olaraq arayış verilib ki, bacmda "hipotet C" virusu aşkar olunmayıb".

T.Sadıqov hazırda vəziyyəti yaxşı olmayan bacısına yardım məqsədilə xeyriyyəçi insnalara müraciət edib, həm də Ü.Sadıqovada "Hepatit-C" virusu olmadığı halda Yevlax xəstəxanasında bu diaqnozdan danışıldığı üçün məsələnin hüquqi perspektivini nəzərdə tutur.

Bu məsələ ilə bağlı İcbari Tibbi Sığorta Agentiyi Turan İnformasiya Agentliyinin sorğusuna cavablandırıb.

Cavabda deyilir ki, "Yevlax rayon Mərkəzi Xəstəxanası" publik hüquqi şəxsin verdiyi məlumata əsasən xəstə Sadıqova Ülviyyə Telman qızı xəstəxananın Terapiya şöbəsində stasionar şəraitdə müalicəyə başlayan zaman qida qəbul edə bilmirdi, fiziki aktivliyi yox idi, qarın boşluğunda maye toplanmışdı. Müalicə müddətində xəstəyə qaraciyər transplantasiyası cərrahi əməliyyatını həyata keçirən həkim-transplantoloq ilə mütəmadi telefon əlaqəsi saxlanılır, birgə təyinat əsasında müalicə edilir.

Agentlik xəstəni daim nəzarətdə saxlayır, müntəzəm olaraq xəstəxananın Terapiya şöbəsinin müdiri həkim-kardioloq Niyaz Hüseynovla əlaqə saxlayır.

Verilən məlumata əsasən hal-hazırda xəstənin qarın boşluğundan 2,2 litr maye çəkilmişdir, qida qəbulu və fiziki aktivlik bərpa olunmuşdur.

Müalicə həkiminin son məlumatına əsasən xəstənin hazırda qaraciyər transplantasiyası cərrahi əməliyyatını həyata keçirən həkim tərəfindən müayinə edilməsinə ehtiyac var. Bu məqsədlə Agentlik həkim-transplantoloqla əlaqə saxladı və bu həftə ərzində xəstənin qəbul ediləcəyi vaxt təyin edildi.

Ü.Sadıqovanın martın 14-də Bakı şəhərində yerləşən ixtisaslaşmış tibb müəssisələrindən birində həkim-transplantoloqun müayinəsinə gətiriləcək. Həkim təyinatına əsasən xəstə laborator-instrumental müayinələrdən keçiriləcək və müalicəsi ambulator yaxud stasionar şəraitdə davam edəcək.