“Jurnalist" sözü "Müxbir"lə əvəz edilsin

1.1.4-cü bəndə görə jurnalist – əmək müqaviləsi ilə media subyektində və ya fərdi olaraq müəllif hüquqları əsasında mülki hüquq müqaviləsi ilə fəaliyyət göstərən, əsas fəaliyyət növü davamlı şəkildə məlumat toplamaq, hazırlamaq, redaktə və istehsal etmək, ötürmək, habelə həmin məlumatlara dair fikir bildirmək (şərh vermək) olan və bu fəaliyyəti gəlir əldə etmək məqsədilə yerinə yetirən şəxsdir;

Lakin, jurnalist əslində yazıçı, şair, bəstəkar kimi yaradıcı peşə fəaliyyəti ilə məşğul olan şəxsdir. Şair şeir yazdığına görə şair, yazıçı hekayə, roman yazdığına görə yazıçı, bəstəkar mahnı
bəstələdiyinə görə bəstəkar adlandığı kimi, jurnalist də məqalələr yazdığına görə, müsahibələr götürdüyünə görə, reportajlar hazırladığına görə jurnalist adlanır. Şairə demək olarmı ki, sən şeir yazmaqla pul qazanmırsansa deməli şair deyilsən? Bəs niyə jurnalist üçün belə tələb irəli sürürsünüz? Yeni qanun bu redaktədə qəbul edilərsə elə olacaqdır; loru dildə belə deyək "gündəlik çörəkpulu jurnalistikadan çıxanlar jurnalistdirlər"?! Yeni qanuna görə hansısa qəzetinin redaktoru pensiyaya çıxıb evdə oturursa artıq jurnalis deyil, çünki o artıq jurnalistlikadan çörəkpulu əldə etmir, belə deyilmi?!

Təklif edirəm ki, 1.1.4-cü bənddəki "jurnalist" sözü "müxbir"lə əvəz edilsin. O cümlədən, "jurnalist"in ayrıca tərifi verilsin, bunun yaradıcı bir peşə adı olduğu vurğulansın.

Hörmətlə, Aydın Məmmədov,
https://ipekchi.info/ saytının, Şəki Ensiklopediyasının
(https://shaki.info/)  və fəaliyyəti dayanmış “Şəkinin səsi” və
“İpəkçi” qəzetlərinin baş redaktoru