Wikileaks-in təzyiqinə məmurlarin əsəbləri tab gətirmir

WikiLeaks-in nəşrləri təkcə personal kompüterlər vasitəsilə əyləncə oxusu kimi rəsmi və qeyri-rəsmi kabinetlərə daxil olmur, həm də artıq məmurların davranışına təsir göstərir. Belə bir hadisə cümə axşamı Türkiyənin Azərbaycandakı səfirliyində qeyri-müəyyən "Media sahəsində təcrübə mübadiləsi" mövzusunda keçirilən tədbirdə baş verib. Elə bir təəssürat yaranıb ki, Türkiyə və Azərbaycan rəsmilərini WikiLeaks-ın mesajları Azərbaycanda mass-medianın vəziyyətindən daha çox narahat edir.
Azərbaycan prezidentinin ictimai-siyasi şöbəsinin müdiri Əli Həsənov şığıyan girici kimi WikiLeaks-la bağlı olan hər şeyi darmadağın etməyə çalışdı və bununla da Amerika diplomatlarının teleqramlarının Prezident Administrasiyasının saraydaxili intriqalarında kökü olduğunu təsdiq edirdi.
Həsənov hədsiz əminliklə prezidentin mətbuat xidmətinin bəyanatına istinad edib. Mətbuat xidməti WikiLeaks-in Amerika diplomatlarının Azərbaycan prezidenti ilə görüşü haqqında nəşrlərini təxribat xarakterli və həqiqətə uyğun olmayan yazılar kimi səciyyələndirib.
Amma elə həmin bəyanatda mətbuat xidməti praktiki olaraq, diplomatik məktubların həqiqiliyini etiraf edərək, "Azərbaycan prezidentinin leksikonuna hesabatlarda dərc edildiyi kimi kəskin və emosional ifadələr daxil olmadığını" qeyd edib.
Bir neçə həftədə dünyanın ən məşhur saytına çevrilən WikiLeaks Azərbaycan prezidentinin özü, onun beynəlxalq və daxili məsələlərə baxışı, habelə qonşu dövlətlərin başçıları, xüsusən Türkiyənin baş naziri Ərdoğan haqqında istehzalı ifadələri haqqında diplomatların onlarla məktublarını yayıb.
Təbliğatçı Həsənovun emosional çıxışından göründüyü kimi, WikiLeaks-ın məlumatları hakim elitanın əsəblərini əməlli-başlı korlayıb və o, Amerika diplomatlarının kəşflərinə Azərbaycanın yarıkriminal siyasi sisteminə ciddi zərbə kimi baxır.
WikiLeaks-in bu kimi hücumlarını dəf etmək üçün Həsənov Azərbaycan və Türkiyə mətbuatının milli dəyərlər, maraqlar əsasında və mütləq dövlət, yəni hakimiyyət ətrafında birləşməsini təklif edir.
Azərbaycan Prezident Administrasiyasının nümayəndəsi bu maraqlar üçün Qərbdən maliyyə dəstəyi alan kütləvi informasiya vasitələrini əsas təhlükə sayır.
Həsənovu dinləyən Türkiyə səfiri Hulusi Kılıç diplomatik təmkinlilik nümayiş etdirərək, WikiLeaks-in qeydlərinə əhəmiyyət vermədiyi kimi, səfirliyin keçmiş mətbuat ataşesi Turqut Ərin nəşrlərini də əhəmiyyətsiz kimi qələmə verməyə çalışıb. Sonuncu öz "Azadlıqdan tiranlığa doğru" kitabında keçmiş prezident Heydər Əliyev və onun siyasəti haqqında xoşagəlməz fikirlər yazır. 75 milyonluq Türkiyə bir nəfərin sözlərinə əhəmiyyət vermir, səfir qeyd edib.
Kitabın ayrı-ayrı hissələrini "Azadlıq" qəzeti öz səhifələrində həvəslə dərc edir. Məhz bu qəzetə qarşı bu günlərdə ayı ətini sevdiyi, Dubayda göydələndə səs-küylü şənlik təşkil etdiyi və darmadağın olmuş gəmidə sərxoş gəzintisi barədə danışılan nəqliyyat nazirinin oğlu Anar Məmmədovun şərəfinin müdafiəsi üzrə məhkəmə prosesi başlayıb.

Ekspert