Prezidentin Rusiya mediasına dedikləri, Avropa Parlamentinin qətnaməsi... - İsa Qəmbər saat 18:00-da Çətin sualda

Azərbaycan Prezidenti İlham Əliyev Rusiyanın bir neçə mətbu və media orqanına dekabrın 18-də müsahibə verib. İlham Əliyev Qərb dövlətlərinin Gürcüstanda daxili proseslərə əhəmiyyətli xarici təsirindən də danışıb, xaricdən maliyyələşən minlərlə qeyri-hökumət təşkilatının fəaliyyətini qeyd edib. Prezident müsahibəsində Qərb mediasında Azərbaycanla bağlı gedən xəbərlərə də reaksiya verib.

Avropa Parlamenti Azərbaycanda vətəndaş cəmiyyəti və müstəqil mediaya qarşı repressiyalarla bağlı dekabrın 19-da qətnamə qəbul edib. Avropa Parlamenti Azərbaycanda davam edən insan haqları pozuntularını pisləyib, hakimiyyəti bütün dissident qruplara qarşı təzyiqləri dayandırmağa, insan haqları müdafiəçiləri, jurnalistlər, siyasi və digər fəallara qarşı uydurulmuş, siyasi motivli ittihamları ləğv etməyə çağırıb. Parlament Avropa İttifaqını insan haqları pozuntularına cavabdeh şəxsləri, əsasən də Prezident Administrasiyasının Hüquq mühafizə orqanları ilə iş şöbəsinin müdiri, İlham Əliyevin köməkçisi Fuad Ələsgərov, daxili işlər naziri Vilayət Eyvazov və dövlət təhlükəsizlik xidmətinin rəhbəri Əli Nağıyevə sanksiya tələbi ilə çağırış edib.

Müsavat Partiyasının başqanı İsa Qəmbər Kamran Mahmudovun təqdimatında yayımlanan “Çətin sual” verilişində gündəmi şərh edir.